Zeremi 12:8 - NYANMIƐN NDƐ'N 1998

⁸ Min nvlefuɛ'm be wa kacili kɛ asɔmɔli bɔ be o blo lɔ'n sa. B'a triki min kɔmin su, ɔ man min konvi tuli be su.

Zeremi 12:8 ပူးပေါင်းရင်းမြစ်များ

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Zeremi 2:15

I ti asɔmɔli'm be kpan sa-a, nán sa yolɛ-ɔ. B'a nunkun i mɛn'n mlɔnmlɔn. B'a wɔ i klɔ'm be nun, sin su di be, sran fi tran-man be su kun.

Zeremi 51:38

Kɛ e ´se yɛ'n, tianlɛ'n yɛ Babilɔnifuɛ mun be tian kɛ asɔmɔli wie bɔ b'a kpɛ cro'n sa. Kpanlɛ yɛ be kpan kɛ nnɛn wie bɔ b'a kpɛ cro'n sa.

Ezekiɛl 23:18

Ɔ yili i tekle silɛ'n i nglo sran'm be kwlaa be nyrun, sran'm be wunnin i wunnɛn kplɛn'n. Yɛ mín wla'n ɔ tuli i su kɛ mín wla'n tuli i niaan bla su'n sa.

Ndɛ Nga Nyanmiɛn I Nuan Ijɔfuɛ Oze Kannin'n 9:15

Anannganman waan: «Ajalɛ nnyɔn-nnyɔn'n, Gilgal lɔ yɛ m boli i wunlɛ bo-ɔ, lɔ yɛ mín nyin fa cili be-ɔ. Ɔ man i ti'n, n wa kan bé bo min awlo'n nun, bé nyin kekle'n ti n su klo-man be kun. Be nin be famiɛn i awlo lɔ sran dandan'm be kwlaa yɛ n su klo-man be kun nin-ɔn.

Amɔs 6:8

Anannganman b'ɔ sie mɛn wunmuan'n ɔ'a fua. I wan yoo: «N ti Nyanmiɛn. Izraɛlfuɛ'm bé wun dandan yolɛ'n yo min tɛ kpli. Kɛ n wun bé sua kpakpa mun'n, min anwlɛn'n kpɛ min klun. I sɔ'n ti man, n ´fa Samari nin i nun ninnge'm be kwlaa m ´man i kpɔfuɛ mun.

Mise 2:8

Anannganman waan: «Amun fa min nvle nunfuɛ mun kaci amun kpɔfuɛ. Sran nga be fin alɛ kunlɛ be ´ba-a, be klun ti-man be'n, kpɛkuun amun ko de i sɔ sran liɛ'm be tralɛ kpa nga be nyɛnnin i'n bé sa nun.

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .