Zeremi 12:5 - NYANMIƐN NDƐ'N 1998

⁵ «A nin be bɔ be wanndi bé ja nun'n be wanndi-ɔ ɔ wunmiɛn'n kpu ɔ wun. ?Yɛ wuun kɛ ɔ o lɛ'n, a nin nnɛn kpanngɔ'm be si akplowa-a ɔ yo ye? ?Sɛ mɛn b'ɔ ti fɔuun'n i nun cɛ yɛ a tran-an, ɔ́ wla kwla gua ase kan'n, sɛ a ju Zurdɛn i nuan susrɛ'n nun'n a yo i sɛ ko?

Zeremi 12:5 ပူးပေါင်းရင်းမြစ်များ

1 Be Nyoliɛ 12:15

Gad osu'n nunfuɛ mun-ɔn. Be ti sonja kpɛnngbɛn mun. Be nun kaan'n nin sran ya sɛ. Yɛ be nun kekle kpafuɛ'n nin sran akpi sɛ.

Jue Mun 42:7

Kɛ n wo Zurdɛn lika'n nun Ɛrmɔn oka'm bé su nin Mizear oka'n su, min wla'n ɔ bo min wun, i sɔ'n ti yɛ min wla kpɛn wɔ su nin-ɔn.

Nyanndra Mun 24:10

Sɛ sa kekle wie tɔ wɔ su nan ɔ́ sa sin bubu wɔ'n, wuun a lɛ-man anwlɛn.

Nyanndra Mun 3:11

Mín wa, sɛ Anannganman tu wɔ fɔ'n, nán se kɛ a fa-man ɔ́ su sie-mɛn i bo . Sɛ ɔ kpan wɔ su'n, nán ɔ klun titi wɔ mlɔnmlɔn.

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 26:8

Kɛ Zeremi wieli ndɛ nga Anannganman'n fa wlɛli i nuan kɛ ɔ `kan kle sran'm be kwlaa'n kan cɛ'n, yɛ be trɛli i-ɔ. Be waan: «A wuli yɛ a o lɛ! A wuli yɛ a o lɛ!

Zeremi 36:26

Famiɛn'n sunmannin Zɛrakmeɛl, nin Azriɛl i wa Sɛraza, nin Abdeɛl i wa Selemia kɛ be ko tra fluwa klɛfuɛ Barik, nin Nyanmiɛn nuan ijɔfuɛ Zeremi. Sanngɛ Anannganman'n fali be fiali.

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Zeremi 50:44

N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn lɔ nzue ti lika'n i ndɛnman trele'n sa. Be nyinma bulɛ kun nun'n, n ´fuan be. N ´fa min sran liɛ'n n ´sie Babilɔni su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Zozie 3:15

I blɛ sɔ'n nun'n, wuun munngun'n ɔ'a kpɛn, Zurdɛn'n ɔ'a yi ɔ'a fu ce'n su . Kɛ Nyanmiɛn nyrun jranfuɛ'm be juli Zurdɛn nuan bɔ bé ja'n kpɛnnin nzue nun cɛ'n,

1 Piɛr 4:12

N sran kpa mun, nán man sa ng'ɔ tɔ amún su amun sa nianlɛ'n ti'n, ɔ bo amún nuan. Nán an bu i kɛ ɔ ti sa tɛ.