Zeremi 12:4 - NYANMIƐN NDƐ'N 1998

⁴ ?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 12:4 ပူးပေါင်းရင်းမြစ်များ

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Jue Mun 50:21

Sa nga a yoli'n yɛ ɔ o lɛ-ɔ, sanngɛ m'an kan-man ndɛ. A bu i kɛ wuun n ti kɛ wɔ sa. N wa ijɔ wɔ yɛ sa nga a yoli'n b'ɔ ti-man kpa'n, n wa tutu nun weiin-weiin n kle wɔ.

Ezai 24:4

«Asiɛ'n sufuɛ'm be o sɛ nun, mɛn'n i nunfuɛ'm b'a fɛ, b'a yo koklo, sran dandan nga be o asiɛ'n su'n b'a yo sa kokloo.»

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Zeremi 12:11

Ɔ man ɔ'a kaci kɛ aawlɛ flɛnnɛn sa. Ɔ'a yo kɛ sran bɔ sɛ ɔ'a tɔ i su'n sa. Kɛ n niɛn sa'n, ɔ'a nunnun mlɔnmlɔn. Mɛn'n ɔ'a saci, sanngɛ ɔ ti-man sran fi ndɛ.

Zeremi 14:2

«Zida nvle'n wo nyrɛnnɛn nun. I klɔ'm be su saci. Zerizalɛmfuɛ'm be su sun flɛ Nyanmiɛn.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 4:25

N wun kɛ sran fi nun-man lɛ kun. Anunman bɔ be tu sin'n, b'a wie kɔ.

Zeremi 4:28

Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 5:13

Nyanmiɛn i nuan ijɔfuɛ'm be bɔn-man like. Be lɛ-man ndɛ nanndoliɛ be kan-man. Nga be kan'n, man ɔ ju be bɔbɔ be su.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Zoɛl 1:18

An `tie nnɛn'm be kplinlɛ bɔ be ´kplin-ɔn! An `nian nnɛn'm be wlanlɛ bɔ be ´wlan lika'n nun daan sa-a. Be lɛ-man ijre be di-mɛn i kun, boli mun nin bua mun be ngba be su yo kokloo.

Amɔs 1:2

Amɔs wan yoo: «Anannganman'n wo Zerizalɛm lɔ ɔ kpan kɛ asɔmɔli sa. Ɔ o Siɔn lɔ, be ti i ngan. Kɛ ɔ ko yo sɔ'n, nnɛn'm be didiwlɛ'n nun ti nyrɛnnɛn ngbɛn. Karmɛl oka'n su lɔ ninnge'm be kwlaa be ´wu kee !»

Abakik 3:17

Kannzɛ mma nun-man figie'm be su'n, kannzɛ be nyan-man vinyi mma be ti-man'n, kannzɛ like fi nun-man olivie'm be su'n, kannzɛ be nyan-man aliɛ fie'm be su'n, kannzɛ bua nun-man tuin'm be nun'n, kannzɛ nannin nun-man tuin'm be nun'n,

Zakari 1:12

Yɛ Anannganman i anz'n waan: «Ee! Anannganman, a fali Zerizalɛm klɔ'n nin Zida klɔ'm bé wun ya i afuɛ ableso yɛ. ?Cɛn onin ko nan w'a si be aunnvuɛ?»

Rɔmfuɛ Mun 8:22

E si kɛ, kɛ ɔ fin lalaa lele b'ɔ ɔ'a fa ju ndɛ'n, like nga Nyanmiɛn yili be'n, be kwlaa be oto, yɛ be wun nyrɛnnɛn kɛ bla bɔ ɔ'a tran awuliɛ'n sa .