Zeremi 12:17 - NYANMIƐN NDƐ'N 1998

¹⁷ Sanngɛ nvle nga i waan ɔ di-man su'n, n ´tu i bo kɛ waka sa, n ´kun i.› » Anannganman'n yɛ ɔ kan sɔ-ɔ.

Zeremi 12:17 ပူးပေါင်းရင်းမြစ်များ

Ezai 41:11

Amun `nian, be kwlaa nga be fa amún wun ya'n, nyannzuɛn ´kun be, yɛ bé nyin ɔ ´gua ase. Be nga be kunndɛ amun nin ngondin'n, be ´wie, be ´nunnun mlɔnmlɔnmlɔn.

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Zeremi 18:7

Ɔ ju blɛ wie-ɔ n kan kɛ n ´tu nvle wie annzɛ kusu famiɛn diwlɛ wie bo kɛ waka sa, wie ju kusu-ɔ, n kan kɛ m ´bubu i annzɛ n ´nunnun i.

Zeremi 31:28

Kɛ n niannin nun m buli bé bo, bɔ n tuli be bo kɛ waka sa'n, bɔ n nunnunnin be, n kunnin be bɔ n yoli sa kekle'n, yɛ n wa nian nun n ´kplan be yɛ n ´ta be-ɔ.» Anannganman'n yɛ ɔ kan sɔ-ɔ.

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Daniɛl 11:4

Ɔ nin i sɔ'n kwlaa'n, kɛ ɔ ko nyan manndran'n, i kwlalɛ b'ɔ kwla'n ɔ ´wie, i famiɛn diwlɛ'n i nun wa bubu nnan. Nɛ́n i osu'n nun sran yɛ ɔ ´trɛn i ja nun-ɔn. Sran ngbɛn mun yɛ be wa fa lika nin-ɔn. Sanngɛ be wunmiɛn liɛ'n su ju-man kɛ i liɛ'n sa.

Mise 5:14

Min klunngbɔ nga n ´tu i be nga bé nyin ɔ'a yi-man min bɔ m'an fa ya be wun'n be su'n, ɔ wa yo dan kpa.»

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.