Zeremi 12:14 - NYANMIƐN NDƐ'N 1998

¹⁴ Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 12:14 ပူးပေါင်းရင်းမြစ်များ

Jue Mun 105:15

Ɔ seli be kɛ: «Nán an kan min sran bɔ n kpali be mun. Nán an yo mín nuan ijɔfuɛ'm be tɛtɛ.»

Jue Mun 106:47

Anannganman e Nyanmiɛn, de ye! Kan e bo nun, yi e nvle nga'm bé afiɛn fite, man e bo flɛ wɔ, afin ɔ dunman'n lɛ-man wunsu, yɛ man e fa ɔ manmanlɛ bɔ e manman wɔ'n e di é nuan.

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Zeremi 48:1

Moab liɛ'n yɛ. Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Nɛbofuɛ'm be yako. Be yako, sa bɔ n ´yo be'n yɛlɛ be klɔ b'ɔ ´nunnun'n. B'a fa Kirzataim, i nunfuɛ'm be si-man wie se kun. Fiawlɛ klɔ sɔ'n, i nunfuɛ'm be si-man wie se kun. Be sa sin ɔ'a bubu be.

Zeremi 48:47

Anannganman wan yoo: ‹Sanngɛ cɛn wie lele n ´fa Moabfuɛ mun n ´sie be osu laa nun.› » Ndɛ nga Anannganman kɛnnin i nyrɛnnɛn ng'ɔ wa tɔ Moab su'n i awieliɛ'n yɛ.

Zeremi 49:1

Amɔnfuɛ'm be jasin liɛ yɛ. Anannganman'n usa kɛ yoo: «?Ɔ ju sɛ ti yɛ man amuɛn nga be flɛ i Milkɔm ko fa Gadi fa yoli i liɛ nin-ɔn? ?Ɔ ju sɛ ti yɛ man Milkɔm i nvle'n ko fa Izraɛl klɔ mun fa yoli i liɛ nin-ɔn? ?Wuun wielɛ yɛ Izraɛl lɔfuɛ'm b'a wie ti-ɔ? ?Izraɛlfuɛ'm be ajalɛ nunfuɛ'm b'a wie ti-ɔ?»

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Ezekiɛl 28:25

Anannganman Nyanmiɛn wan yoo: ‹N wa fa Izraɛlfuɛ mun nvle-nvle nga be bo sanndili nun'n be afiɛn n ´tian bé nuan, yɛ n ´kle nvle-nvle'm be kɛ n ti Nyanmiɛn kun bɔ min nzuɛn'n nin klɔ sran liɛ'n ti-man kun. Be ´tran be bɔbɔ be mɛn'n nun, mɛn bɔ n fa mannin min sufuɛ Zakɔb'n.

Ezekiɛl 28:26

Be ´tran lɛ fɔuun, be ´kplan sua yɛ be ´ta vinyi. Be ´tran lɛ fɔuun, yɛlɛ kɛ be nga be yoli be finfin'n, n wa tu be fɔ. Yɛ be wa si jrɛiin kɛ min yɛ n ti Anannganman be Nyanmiɛn nin-ɔn.› »

Ezekiɛl 36:24

«N ´fa amun nvle-nvle'm be afiɛn. Kɛ n fa amun mɛnmɛn'm be nun bɔ n ko tian amún nuan'n, yɛ n ´fa amun n kɔ amún mɛn'n nun-ɔn.

Ezekiɛl 36:5

Anannganman Nyanmiɛn wan yoo: ‹Nanwlɛ, kɛ n fa min ya dan'n, n fua n kle nvle kun nga mun. N fua n kle Edɔm nvle wunmuan'n kusu wie afin amun fali min mɛn'n be kacili amun liɛ, amun fɛnnin i nun nnɛn mun. Kɛ amun fɛn nnɛn sɔ mun'n, amun klun jɔli, amun klun ɔ'a ti-man amun kaan sa.›

Ezekiɛl 37:21

Se be kɛ Anannganman Nyanmiɛn wan yoo: ‹Amun `nian, n ´fa Izraɛlfuɛ mun nvle-nvle nga be ɔli be nun'n be nun, n ´kan be m bo nun, yɛ n ´fa be m ba be mɛn'n nun.

Zakari 1:15

Ya nga m'an fɛ i nvle nga be fa bé wla gua be bɔbɔ be wun su'n, be wun'n, ɔ ti dan. Ɔ liɛ ya kaan sa bɔ n fɛli i Izraɛl wun'n, i ti ɔ sacili. Nvle sɔ'n bé sa o i sacilɛ sɔ'n nun wie.›

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

Mmla'n 28:63

Anannganman yoli amun kpa, ɔ man amun trɛli. Ɔ wa wlu amun nun, amun ´wie nunnun, kpɛkuun amu'an jaso mɛn nga amun ´ko fa'n nun.

Mmla'n 30:3

Anannganman amun Nyanmiɛn'n kusu ɔ man amun wa jaso kanga nun amun ´ba, ɔ ´si amun aunnvuɛ. Mɛn nga ɔ man amun bo sanndili be nun'n, ɔ ko fa amun lɔ ´ba.