Zeremi 12:11 - NYANMIƐN NDƐ'N 1998

¹¹ Ɔ man ɔ'a kaci kɛ aawlɛ flɛnnɛn sa. Ɔ'a yo kɛ sran bɔ sɛ ɔ'a tɔ i su'n sa. Kɛ n niɛn sa'n, ɔ'a nunnun mlɔnmlɔn. Mɛn'n ɔ'a saci, sanngɛ ɔ ti-man sran fi ndɛ.

Zeremi 12:11 ပူးပေါင်းရင်းမြစ်များ

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Ezai 42:25

I sɔ'n ti, Anannganman fali ya Izraɛlfuɛ'm bé wun, yɛ ɔ man alɛ dan'n tɔli be su. Alɛ sɔ'n ɔ yoli kɛ sin sa, ɔ katali bé su kplu, sanngɛ b'a wun-man sa fi wlɛ. Sɛ e ´kwla se'n, sin sɔ'n ɔ yrali be, sanngɛ b'a bu-mɛn i ndɛ.»

Ezai 57:1

Sran kpa'm be wu, sanngɛ sran fi ndɛ nun-man be ndɛ nun. Sran kpakpa'm be wu, sanngɛ sran fi wun-mɛn i wlɛ kɛ kɛ ɔ ´yo nan nyrɛnnɛn ɔ'a tɔ-man sran'm be su'n, i ti yɛ man be wu sɔ-ɔ.

Zeremi 10:22

An `tie nganniɛn ng'ɔ tɛ ba'n. Mɛn i sannganlɛ like kun fin mɛn'n i nglo lɔ lika'n nun su ba. Ɔ wa nunnun Zida klɔ mun. Be ´kaci nsoso'm be lawlɛ.

Zeremi 10:25

Be ng'ɔ fata kɛ ɔ ya dan'n tran be su'n, yɛlɛ mɛn nga be si-man wɔ'n, yɛlɛ minniɛn nga be bo-man ɔ dunman'n. Afin be su fɛn ɔ nvlefuɛ'm be bo ninnge mun. Be su saci be tranwlɛ'n, be su nunnun be.

Zeremi 14:2

«Zida nvle'n wo nyrɛnnɛn nun. I klɔ'm be su saci. Zerizalɛmfuɛ'm be su sun flɛ Nyanmiɛn.

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 25:11

Mɛn nga ´nunnun mlɔnmlɔn. Nvle sɔ'm be kwlakwla be nunfuɛ'm be ´su Babilɔni famiɛn'n afuɛ ableso .›

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Zeremi 4:28

Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Zeremi 9:9

«N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Zoɛl 1:10

Fie'm b'a saci, asiɛ'n ɔ'a di amlan, afin be nyan-man ble kun, be nyan-man vinyi mma nzue kun, ngo sɛ'n nun ɔ'a wu kee.

Saun Yolɛ 26:32

Amun mɛn'n i nunnunlɛ tɛ bɔ n ´nunnun i'n ti, ɔ ´yo amun kpɔfuɛ'm be koun.

Zakari 7:5

I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Rɔmfuɛ Mun 8:22

E si kɛ, kɛ ɔ fin lalaa lele b'ɔ ɔ'a fa ju ndɛ'n, like nga Nyanmiɛn yili be'n, be kwlaa be oto, yɛ be wun nyrɛnnɛn kɛ bla bɔ ɔ'a tran awuliɛ'n sa .