Zeremi 12:10 - NYANMIƐN NDƐ'N 1998

¹⁰ Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 12:10 ပူးပေါင်းရင်းမြစ်များ

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 63:18

E bɔ e ti ɔ nvle'n nunfuɛ mun'n, e trannin mɛn nga nun wa blɛ kaan sa. E kpɔfuɛ'm be sacili ɔ sua'n.

Zeremi 23:1

Anannganman wan yoo: «Be nga be dun nvlefuɛ'm be nyrun mmua'n be yako! Amun bɔ amun ti kɛ min bua mun sa bɔ amun yoli man min sran mun bɔ be ti kɛ min kuku nun bua mun sa'n b'a bo b'a sanndi, bɔ b'a mlin'n, amun yako!»

Zeremi 25:37

Anannganman'n i ya dan'n b'ɔ fali'n ti, bua'm be tuin'n nglanman'm b'a tɔ bliin.

Zeremi 25:38

Ɔ'a yi i sa i nvle'n su kɛ asɔmɔli ɔ'a tu i mma'm be sin sa. Nyrɛnnɛn b'ɔ alɛ'n fa ba n ti'n, yɛ Anannganman'n i ya dan'n ti'n, be mɛn'n ɔ'a wie nunnun.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Zeremi 39:3

Kpɛkuun Babilɔni famiɛn'n i awlo lɔ sran dandan'm be kwlaa be wa trannin anuan nga be flɛ i kɛ klɔ Afiɛn Anuan'n nun. Be flɛ sran dan sɔ'n kun Nɛrgal-Sarɛzɛr. Ɔ ti awlo lɔ sran dandan'm be nun dan'n kun. Be flɛ kun kɛ Samgar-Nɛbi, yɛ kun suan Sarsɛkim, i yɛ ɔ ti famiɛn'n i sran b'ɔ lafi i su kpa nin-ɔn. Babilɔni famiɛn'n i awlo lɔ sran dandan'm be kwlakwla be bali lɛ wie.

Zeremi 6:3

Bua kankanfuɛ'm be nin be bua mun b'a bɛ i wun lɛ tranlɛ. B'a kplan be tannin sua mun i wun sɛsɛsɛ. Be lɛ be nnɛn'm be didiwlɛ bé ti nun ti nun.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Ezekiɛl 34:2

«Klɔ sran, kan sa ng'ɔ wa ju'n kle Izraɛl kpɛnngbɛn mun. Kan sa ng'ɔ wa ju'n kle Izraɛl nvle'n i nyrun dunfuɛ'm bɔ be ti kɛ bua su nianfuɛ mun sa'n. Ndɛ nga min Anannganman Nyanmiɛn n kan'n yɛ: ‹Izraɛl kankanfuɛ'm bɔ be ta be bɔbɔ bé wun'n be yako! ?Nán bua'm be yɛ ɔ fata kɛ bua tafuɛ'm be ta be-ɔ?

Ezekiɛl 34:5

Be bo sanndili gbee, yɛlɛ kɛ be nyan-man sunianfuɛ. Nnɛn tɛtɛ mun yɛ be di be blo lɔ-ɔ. Be bo sanndili gbee.

Daniɛl 8:13

N tili anz kun nɛn. Kpɛkuun anz uflɛ kun usɛli i kɛ: ‹?Aolia nun ninnge nga'm be ´di blɛ nnyɛ? ?Sraka nga be nunnunnin su'n nin sa tɛ b'ɔ saci like'n, nin Nyanmiɛn tranwlɛ, ɔ nin nyanmiɛn su lɔfuɛ mun bɔ be tiatiali be su'n, be ´yo sɔ lele cɛn onin?›

Zakari 7:14

N kannin be bo n guɛli i nvle nga be bɔbɔ be si-man nun laa'n be nun. Be mɛn'n tɔli bliin, sran fi kɔ-man lɔ, yɛ sran fi fin-man lɔ ba-man. Be bɔbɔ be yoli man be mɛn sɔ'n bɔ i nun yo-man fɛ ngowa'n, ɔ kali lɛ ngbɛn.»

JÉSUS-CHRIST I DYASIN FE'N BO LUC KLELI'N 21:14

I sɔ'n ti'n, an `fa sie amun klun kpa, nán an dun mmua bu ndɛ nga amun ´kan nan amu'an nyan amún ti'n i akunndan.

Sa nglô yile 11:2

Sanngɛ yaci Nyanmiɛn i sua'n i awlo klun'n lɛ, nán sunnzun. Afin be fa mannin be nga be ti-man Zuif'n, be ´wlan-wlan Nyanmiɛn klɔ'n su anglo ablanan-nin-nnyɔn, be ´saci i .