Zeremi 12:1 - NYANMIƐN NDƐ'N 1998

¹ Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 12:1 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Zɔb I Nyrɛnnɛn Wunlɛ 12:6

Sran nga be bu-man Nyanmiɛn like fi'n, be awlo'n ti fɔuun! Be bɔ be klɔklɔ Nyanmiɛn'n, be klun ti-man be. Be Nyanmiɛn liɛ'n yɛlɛ be fanngan bɔ be lɛ i'n.

Zɔb I Nyrɛnnɛn Wunlɛ 13:3

Min ndɛ liɛ'n, n ´kan n ´kle Nyanmiɛn b'ɔ kwla like kwla yo'n. I nyrun yɛ n ´yi min ya liɛ'n i nglo-ɔ.

Zɔb I Nyrɛnnɛn Wunlɛ 24:12

Sran'm be klun jɔ-man, be ijɔ klɔ'n nun be sin. Be nga be yoli be sa'n be kpan. Sanngɛ Nyanmiɛn bua-man sa tɛtɛ sɔ'm be nun.

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Zɔb I Nyrɛnnɛn Wunlɛ 8:17

I bo olui'm be to blabla nun, yɛ be to blabla yɛbuɛ mun, be wlu yɛbuɛ sɔ'm be nun bɔbɔ.

Jue Mun 116:5

Anannganman yaci sa cɛ, ɔ yo sa i nuan su. E Nyanmiɛn'n si aunnvuɛ.

Jue Mun 119:137

Ee Anannganman, a yo sa i nuan su! A nian mmla'n su yɛ a bu ndɛ mun-ɔn.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 37:1

Jue nga ti David liɛ. I waan: Nán fa ya be nga be yo sa tɛ'n bé wun. Nán ɔ́ nyin blo be nga be fɔn mmla'n bé wun.

Jue Mun 37:35

Klunwifuɛ nga i sielɛ'n ɔ taka zia kɛ waka dan wie sa'n, m'an wun wie le.

Jue Mun 51:4

Wunnzin min weiin kpa, man fɔnlɛ bɔ n fɔnnin'n ɔ wie. Yo min saun kpa man min wun sa'n kwlaa wie weiin.

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Jue Mun 92:7

Sran ng'ɔ wun-man sa wlɛ'n, ɔ bu-mɛn i like fi, sinnglinfuɛ'n ɔ wun-mɛn i sin.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Akunndanfuɛ'n 8:14

Nyanmiɛn'n i bo wa'n, sa kun o lɛ bɔ i wlɛ wunlɛ yo ya: be yo sran kpa wie'm be kɛ klunwifuɛ mun sa, kpɛkuun be yo klunwifuɛ'm be kɛ sran kpa mun sa. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn.

Ezai 41:21

Anannganman waan: «Amun `kpli amún ti man n nian.» Zakɔb osu'n nunfuɛ'm be famiɛn waan: «Amun `yi like nga amun jran su yo sa mun'n be nglo man n nian.»

Ezai 48:8

B'a kan kle-man amun, amu'an ti-man nun ndɛ fi, amún su wa ti-man nun mlɔnmlɔn. Afin n si kɛ amun ti gblɛfuɛ. Kɛ amun wo amún nin klun bɔbɔ'n, be flɛ amun kɛ: Nyin Keklefuɛ mun.

Zeremi 11:20

Yɛ Anannganman b'ɔ sie mɛn wunmuan'n, kusu b'ɔ ti jɔlɛ difuɛ kun b'ɔ di ndɛ nanwlɛ, akunndan nga sran'm be bu i be klun lɔ'n, ɔ si. Kɛ a ´tu ɔ klunngbɔ be su'n, ɔ ´yo min nyrun. Ɔ sa nun yɛ min ndɛ'n ɔ wo-ɔ.

Zeremi 12:6

Wɔ akpasua sufuɛ mun be yo wɔ atɛ. Wɔ awlofuɛ mun bɔbɔ be yo wɔ atɛ wie. Be wlawla sran mun kɛ be yo wɔ like. Ɔ man sɛ be kan ndɛ fɛfɛ kle wɔ'n, nán fa su.»

Zeremi 3:20

Sanngɛ kpɛkuun amun Izraɛlfuɛ mun, amu'an kpɛ min gblɛ kɛ bla kun kpɛ i wun gblɛ b'ɔ kunndɛ bian i bo'n sa.» Anannganman'n yɛ ɔ kan sɔ-ɔ.

Zeremi 3:7

N seli min wun kɛ: Sɛ ɔ yo lele'n, ɔ ´sɛ i sin ´ba. Kannzu ato-ɔ, ɔ'a sɛ-mɛn i sin. I niaan bla Zida b'ɔ kunndɛ bian min bo'n ɔ wunnin sa sɔ'n b'ɔ yo'n.

Zeremi 32:16

«Kɛ n fali fie wun fluwa'n m mannin Neriza i wa Barik'n, n srɛli Anannganman'n n seli kɛ:

Zeremi 5:11

Yɛlɛ kɛ i Zida nvle nin o, i Izraɛl nvle nin o be nin min b'a nanti-man klanman.» Anannganman yɛ ɔ kan sɔ-ɔ.

Zeremi 9:2

«B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Daniɛl 9:14

I sɔ'n ti yɛ ɔ waan san nyrɛnnɛn sa'm be ´tɔ ye su nin-ɔn. Afin Anannganman e Nyanmiɛn, sa nga a yo'n kwlaa ɔ ti i nuan su, sanngɛ y'a sie-man e su ɔ́ nuan bo.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Abakik 1:4

Sran'm be bu-man mmla'n i like fi kun, be di-man ndɛ nanwlɛ kun. Klunwifuɛ'n ɔ tɔ nanwlɛfuɛ'n su. Ɔ man ɔ jɔlɛ nga sran'm be di'n, wie fi ti-man su.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.