Zeremi 11:7 - NYANMIƐN NDƐ'N 1998

⁷ Kɛ ɔ fin cɛn bɔ n fali amun nannan mun Ezipt mɛn'n nun m bali'n yɛ m boli ndɛ nga mun be kan klelɛ'n bo-ɔ. Lele ndɛ n tɛ kan n tɛ kle be. N se be kɛ: An `tie min aniɛn'n,

Zeremi 11:7 ပူးပေါင်းရင်းမြစ်များ

2 Famiɛn Mun 17:13

Anannganman fa ndɛ wlɛli i nuan ijɔfuɛ fanunfanun'm be kwlaa bé nuan. I waan be kan kle Izraɛlfuɛ mun, nin Zidafuɛ'm be kɛ be yaci be nzuɛn tɛtɛ mun, nan be fɛ i mmla fanunfanun'm bé su. I mmla sɔ'n, ɔ fa mannin Izraɛlfuɛ'm be nannan mun. I sin ɔ fa wlɛli i nuan ijɔfuɛ bɔ be ti i sufuɛ'n bé nuan kɛ be fa man be kusu be wie.

2 Be Nyoliɛ 36:15

Anannganman b'ɔ ti be nannan'm be Nyanmiɛn'n, b'ɔ klo i nvle nunfuɛ mun nin i sua'n, ɔ sunmɛnnin i sran mun kpalɛ sunman kɛ be ko kɛn i nuan su ndɛ'n be kle be.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 25:4

Anannganman'n ɔ sunmannin i sufuɛ mun sanngɛ nán ndɛ-ɔ. Ɔ sunmannin i nuan ijɔfuɛ mun, nán ndɛ-ɔ. Amun waan nán amun yɛ an ko ti-ɔ. Amun waan amun sie-man amún su be tie-man.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 34:14

kɛ sɛ sran kun i niaan Ebre kun ko fɛ i wun mɛn i kɛ ɔ ´yo i afanniɛn'n, kɛ ɔ su i afuɛ nsiɛn'n, i afuɛ nso su'n man ɔ yaci i nun nan ɔ wɔ. E nin be e kɛnnin i sɔ sanngɛ b'a di-man su. B'a nian-man ndɛ nga n kannin'n su b'a yo-man.

Zeremi 35:14

«An `nian, ndɛ nga Zɔnadab b'ɔ ti Rekabfuɛ'n kan kleli i mma'm be kɛ nán be nɔn nzan'n, lele ndɛ be nɔn-man. Nga be nannan'n kan kleli be'n, be fali su. Sanngɛ min liɛ'n, m'an kan ndɛ m'an kle amun lele ngbɛn, nɛ́n i su yɛ an ko fa-a.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:1

Anannganman nin i mɛn'n nunfuɛ'm be lɛ ndɛ. Izraɛlfuɛ mun, an `tie ndɛ ng'ɔ kan'n: «Be wun-man sran nanwlɛfuɛ nin aklunyefuɛ kun. Min bɔ n ti Nyanmiɛn'n be bua-man min ndɛ nun mɛn nga nun kun.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Zakari 1:4

Nán an yo kɛ amun nannan'm be sa. Laa'n min nuan ijɔfuɛ'm be seli be kɛ m bɔ n sie mɛn wunmuan'n min waan be `gua be nzuɛn tɛ nin be aeliɛ tɛtɛ'm be ase. Sanngɛ b'a ti-man, b'a fa-man bé ti b'a de-man. Nán an yo kɛ be sa.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Mmla'n 30:20

Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.

Mmla'n 4:6

Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

Mmla'n 5:29

Sɛ ɔ ti kɛ bé nyin yi min sa titi yɛ be fa mín nuan ndɛ'm be kwlaa su'n, wuun nga, be nin be osu nunfuɛ'm be ´nyan ye sa tititi.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Mmla'n 8:6

Amun `fa Anannganman amun Nyanmiɛn'n i ndɛ'm be sie. Amun `fɛ i atin'n su, yɛ amún nyin `yi i.

2 Tɛsalonikfuɛ Mun 3:12

E ´srɛ i sɔfuɛ'm be kpa kɛ be nian e Min Jésus-Krist ti be kan bé nyin ase di junman nan b'a nyan bé nuan nun aliɛ.

1 Samiɛl 8:9

I sɔ'n ti'n, nian nga be usa wɔ'n su, yo, sanngɛ kan sa nga famiɛn sɔ'n ɔ wa fa wla be nun'n i weiin kle be.»