Zeremi 11:5 - NYANMIƐN NDƐ'N 1998

⁵ Kpɛkuun nda nga n tali amun nannan mun kɛ n ´fa asiɛ bɔ ti nnɛn tawlɛ klanman b'ɔ kunngba'n yo like ye'n m ´man be'n, n ´yiɛ i nuan.› I kusu yɛ amun wun i andɛ yɛ, yɛ n tɛli i su kɛ: ‹Anannganman, man ɔ yo sɔ!› »

Zeremi 11:5 ပူးပေါင်းရင်းမြစ်များ

2 Be Nyoliɛ 6:17

Siɛn'n, Anannganman Izraɛl Nyanmiɛn, man ndɛ nga a kan kleli David b'ɔ ti ɔ sufuɛ'n i su sa'n yo.

Jue Mun 105:8

I wla fi-man su kɛ ɔ tali nda. I wla fi-man kɛ akpasua-akpasua akpi nga be ´jaso su'n be ti yɛ ɔ tali nda sɔ'n nin-ɔn.

Ezipt Lɔ Tulɛ'n 13:5

Kɛ Anannganman ko fa amun ko wɔ mɛn bɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, yɛ Zɛbisfuɛ'm be tran nun lɔ'n i nun'n, afuɛ kwlaa nun anglo kunngba nga nun'n, amun `di cɛn sɔ'n. Mɛn sɔ'n yɛ Anannganman kan kleli amun nannan'm be kɛ ɔ ´fa man amun nin-ɔn. Lɔ asiɛ'n ɔ yo like ye kpa. I kunngba'n, ɔ ti nnɛn tawlɛ klanman.

Zeremi 19:12

Sa nga n ´fa yo klɔ nga nin i sufuɛ mun yɛ ɔ o lɛ-ɔ. N ´yo man klɔ nga ´yo kɛ Tɔfɛt sa.› » Anannganman'n yɛ ɔ kan sɔ-ɔ.

Zeremi 28:6

«Fiaa! Man ɔ yo sɔ. Man Anannganman'n yo i sɔ. Man Anannganman'n nian ndɛ nga a ´kɛn i lɛ'n su yo, man Anannganman fɛ i sua'n i nun ninnge nga be fa ɔli Babilɔni'n bla.

Zeremi 32:22

Mɛn fɛfɛ nga a tali be nannan'm be nda kɛ a ´fa man be'n, a fa mannin be.

Saun Yolɛ 20:24

I sɔ'n ti yɛ n seli amun kɛ: Be asiɛ nga be o su lɔ'n, ɔ ti amun liɛ nan min yɛ n fa n wlali amún sa nun nin-ɔn. Asiɛ sɔ'n ɔ yo like ye kpa. I kunngba'n, ɔ ti nnɛn tawlɛ klanman. Min yɛ n ti Anannganman amun Nyanmiɛn nin-ɔn. Min yɛ man amun nin nvle kun nga mun b'a sanngan-man nin-ɔn.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.