Zeremi 11:17 - NYANMIƐN NDƐ'N 1998

¹⁷ Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 11:17 ပူးပေါင်းရင်းမြစ်များ

2 Samiɛl 7:10

M'an man min nvle'n bɔ yɛlɛ Izraɛl'n i lika kun. M'an tɛkɛ i lɛ, be su tu-mɛn i bo, sa fi su kun-mɛn i srɛ kun. Sran tɛtɛ'm be su kle-mɛn i yalɛ kun

2 Be Nyoliɛ 28:25

Zida klɔ'm be kwlaa su'n, ɔ yoli sraka yiwlɛ lika mun. Be yra ansans sua sɔ'm be nun man amuɛn mun. Be ko fali amuɛn sɔ mun mɛn wie'm be nun. I sɔ yolɛ nun'n, be fɔkɔli Anannganman be nannan'm be Nyanmiɛn'n i anwlɛn.

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Jue Mun 80:15

Nyanmiɛn, wɔ bɔ a sie mɛn wunmuan'n, sa ɔ sin bla. Kɛ bɔ a o nyanmiɛn su lɔ'n, kpɛ ɔ nyin nian wa, yɛ bu vinyi fie sɔ'n i akunndan.

Jue Mun 80:8

Nyanmiɛn wɔ bɔ a sie mɛn wunmuan'n, man e su ekun! Nian e nyrun klanman, i liɛ'n e ´nyan é ti.

Ezai 5:2

Ɔ dili asiɛ'n su junman, ɔ yiyili i nun yɛbuɛ mun, ɔ tali nun vinyi nglanman nglanman mun. Ɔ kplannin akpa fleiin kun fie'n i afiɛn. Ɔ kpɛli kunman kun. Kunman sɔ'n ɔ ti vinyi mma nzue cuɛnwlɛ. Ɔ bu i kɛ vinyi'n ɔ wa su mma kpa, kpɛkuun ɔ ´su-ɔ, mma tɛtɛ yɛ ɔ'a su-ɔ.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Zeremi 1:14

Yɛ Anannganman'n seli min kɛ: «Nyrɛnnɛn ng'ɔ ´tɔ amun mɛn'n nunfuɛ'm be kwlaa be su gbuun'n, ɔ ´fin nglo lɔ lika nun yɛ ɔ ´ba-a.

Zeremi 11:11

I sɔ'n ti Anannganman'n wan yoo: «Nyrɛnnɛn nga n wa fa yi be su'n, be su kwla fin-man nun fite-man. Sɛ be kpan flɛ min-ɔn, m ´bu min sukpɔ nun waka.

Zeremi 11:13

Zidafuɛ'm be amuɛn'm be kpanngban nin be klɔ'm be nuan'n sɛ. Yɛ kɛ be klɔ'm be akpɔ'm be nuan'n fa ti'n, i su yɛ be nian be taka be nyannzuɛn like kɛ Baal sa'n i sɔwlɛ mun-ɔn.

Zeremi 12:2

A ta be kɛ waka sa. B'a tra ndin, be su nyin, be su su mma. Ɔ dunman'n jaso-man be nuan nun le, sanngɛ wuun be anwlɛn'n nun-man ɔ su.

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 18:8

Sanngɛ sɛ nvle nga n kɛnnin i ndɛ sɔ'n i nunfuɛ'm be yaci sa tɛ yolɛ'n, n kaci aniɛn'n, sa nga min waan n ´fa yo be'n, n fa fli be.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 2:21

Kusu n kpali wɔ kɛ be kpa vinyi mma kpa'n sa yɛ n tali wɔ-ɔ. N tali wɔ kɛ vinyi wie bɔ fiɛn kaan sa nun-mɛn i wun'n sa. ?Ɔ yo sɛ yɛ man a wa kaci yoli blo vinyi nin-ɔn?

Zeremi 24:6

N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Zeremi 26:13

Nan i ti an `kaci amun nzuɛn'n nin amun aeliɛ mun. An `tie Anannganman amun Nyanmiɛn'n i aniɛn'n nan sa ng'ɔ kɛnnin i kɛ ɔ ´fa yo amun'n, ɔ'a fa fli amun.

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 32:30

Kɛ ɔ fɛ i lalafuɛ nun lele'n, like nga n klo-mɛn i'n cɛ yɛ Izraɛlfuɛ mun nin Zidafuɛ'm be waan be fa man be man be `yo-ɔ. Izraɛlfuɛ'm b'a yaci-man min anwlɛn fɔkɔlɛ'n le.» Anannganman'n yɛ ɔ kan sɔ-ɔ.

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 40:2

Gladi difuɛ kpɛn'n man be ko fali Zeremi bali nan ɔ'a se i kɛ: «Nyrɛnnɛn sa nga ɔ'a ju klɔ nga su yɛ'n, Anannganman ɔ Nyanmiɛn'n ɔ boli su.

Zeremi 40:3

Sa ti bɔ i sɔ sa'n juli amun su sakpa'n yɛlɛ fɔnlɛ bɔ amun fɔnnin Anannganman wun'n, yɛlɛ i ndɛ bɔ amu'an fa-man su'n.

Zeremi 42:10

‹Sɛ an ka amun mɛn'n nun wa'n, n ´wla amun mɛn'n i bo ase, n su saci-mɛn i. N ´taka amun, n su tu-man amun bo. N ´kaci mín sa. Sa nga n yoli amun'n, n ´yaci i yolɛ.

Zeremi 44:5

B'a fa-man bé ti b'a de-man. I sɔ ndɛ liɛ'n guali bé su sin. B'a yaci-man sa tɛtɛ sɔ'n yolɛ, b'a yaci-man amuɛn'm be sɔlɛ.

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Zeremi 7:18

Nian! Ba kanngan'm be ko isa yie yɛ bé si'm be fa trɔ sin-ɔn. Be nin'm be kusu be fɔtɔ sanmlɛn yɛ be fa tɔn gato be man amuɛn nga be flɛ i Astarte, bɔ i suan dunman yɛlɛ Nyanmiɛn Su Famiɛn Bla nin-ɔn.»

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Ezekiɛl 17:5

Yɛ ɔ fali Izraɛl mɛn'n nun waka ngbɔnman kun, ɔ ko tɛli i asiɛ kpa nun. Ɔ fa tɛli i nzue ba kun bɔ i nun nzue'n ɔ sɔnnin kpa'n i nuan lɛ kɛ nzue nuan waka wie sa.

Ndɛ Nga Nyanmiɛn I Nuan Ijɔfuɛ Oze Kannin'n 10:1

Laa, Izraɛl ti kɛ vinyi fie bɔ ɔ'a bua bɔ ɔ'a su kaka klanman'n sa. Sanngɛ kɛ ɔ ´su mma kpanngban ´kɔ i nyrun'n, wuun i sraka yiwlɛ'm be kusu be ´sɔn be liɛ. Kɛ mɛn'n ´yo klanman ´kɔ i nyrun'n, wuun blɛ li yɛ b'a se kɛ ɔ taka yɛbuɛ nga be sɔ be mun-ɔn.