Zeremi 11:15 - NYANMIƐN NDƐ'N 1998

¹⁵ Anannganman waan: «?Min sran kpa, a ba nguɛ yolɛ mín sua'n nun wa? ?Wɔ bɔ sa tɛtɛ'n cɛ yɛ a yo'n a bu i kɛ nda nga a ta min'n ɔ nin sraka nga a yi man min'n, be ´yi sa ng'ɔ o ɔ su'n nan ɔ klun wa jɔ?»

Zeremi 11:15 ပူးပေါင်းရင်းမြစ်များ

Jue Mun 50:16

Nyanmiɛn usa klunwifuɛ'n kɛ: «?Ɔ bɔ be ijɔ wɔ-ɔ ɔ yo-man wɔ fɛ'n, bɔ a yi min ndɛ'n i ase'n, wan li yɛ i waan a kan min mmla nin-ɔn? ?Wan li yɛ i waan a bo aenguɛ'n bɔ e nin wɔ trali'n su di jɔlɛ-ɔ?

Jue Mun 60:5

Wɔ man sa kekleke tɔli ɔ sran'm bé su. Wɔ man y'a yo kɛ y'a nɔn e nzan nan y'a bo sa.

Nyanndra Mun 10:23

Sa tɛ yolɛ'n ti ngowa like sran ng'ɔ si-man ngwlɛlɛ'n i sa nun. Ngwlɛlɛfuɛ'n kusu i like liɛ b'ɔ si i'n yɛlɛ akunndan.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 2:14

Be bɔ sa tɛtɛ'n yɛ ɔ ti be aklunjuɛ like'n, bɔ be nyanko like liɛ'n yɛlɛ klunwi sa'n,

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Nyanndra Mun 26:18

Sran nga b'ɔ lɛkɛlɛkɛ i wiengu'n, bɔ i sin ɔ wa se i kɛ: «Min waan n ´yo sɔ nan e sri'n,» i sɔ sran liɛ'n ti kɛ fiaunfuɛ b'ɔ toto yiendre nin ta mma mun, ɔ nin like b'ɔ kun sran'n sa.

Nyanndra Mun 28:9

Sran nga bɔ kɛ be ´kan Nyanmiɛn mmla'n ɔ klo-man kɛ ɔ `ti wie'n, i Nyanmiɛn ng'ɔ srɛ'n bɔbɔ ɔ jɔ-man Nyanmiɛn i klun .

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Zeremi 12:7

«M'an yi min awlo'n m'an man gua. M'an yi min aja'n i ase. M'an yi like nga n klo i lele tratra su'n m'an wla min kpɔfuɛ'm be sa nun.

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 23:11

Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Zeremi 3:8

Ɔ wunnin kɛ tekle nga Izraɛl b'ɔ ti kɛ bian safuɛ'n sa'n boli'n ti n ko mɛnnin i yralɛ fluwa n yacili i'n. Sanngɛ Zida b'ɔ kunndɛ bian min bo'n, srɛ ɔ'a kun-mɛn i. I kusu ko boli i tekle liɛ.

Ndɛ Nga Nyanmiɛn I Nuan Ijɔfuɛ Oze Kannin'n 3:1

Anannganman'n seli min kɛ: «Kɔ nan bla nga b'ɔ lɛ bian, bɔ sanngɛ bian cɛ yɛ ɔ kunndɛ i wun bo'n, a nin i be ko la ekun. Klo i kɛ m bɔbɔ min Anannganman n fa n kloli Izraɛlfuɛ mun sa, bɔ sanngɛ amuɛn mun yɛ be kpɛ be sin atin-ɔn. Yɛ vinyi mma gato dilɛ yɛ be klo-ɔ.»

Matthieu 22:11

Kɛ famiɛn'n wluli lɔ b'ɔ ´nian be b'ɔ yiali be atɔnvlɛ'n bo'n, ɔ wunnin sran kun bɔ ɔ'a wla-man tralɛ nga be fa kɔ atɔnvlɛ bo'n wie.

JÉSUS-CHRIST I DYASIN FE'N BO LUC KLELI'N 8:28

Kɛ ɔ wunnin Jésus'n, ɔ kpannin, ɔ wa kotoli i bo, ɔ kpan seli kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nán kle n yalɛ.»

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

1 Korɛntfuɛ Mun 13:6

sa tɛ'n yo-mɛn i fɛ, nanwlɛ dilɛ'n yɛ ɔ yo i fɛ-ɔ.

Tite 1:15

Sran nga be akunndan'n ti kpa'n, like kwlaa ti kpa be nyrun, sanngɛ sran nga be akunndan'n ti-man kpa'n, bɔ be lafi-man Nyanmiɛn su'n, like fi ti-man kpa be nyrun. Afin be akunndan'n ti tɛtɛ, be ´yo sa-a be klun ti-man be.

Jacques 4:16

Sanngɛ jɔlɛ caca'n yɛ an di-ɔ, yɛ an tu amun wun. Nuan dilɛ sɔ'n ti-man kpa.