Zeremi 11:12 - NYANMIƐN NDƐ'N 1998

¹² Zida klɔklɔ'm be sufuɛ mun ɔ nin Zerizalɛmfuɛ'm be ´kpan flɛ be amuɛn nga be yra ansans man be'n, sanngɛ be de be nyrɛnnɛn sɔ nun-ɔn, ɔ su yo-man ye.

Zeremi 11:12 ပူးပေါင်းရင်းမြစ်များ

2 Be Nyoliɛ 28:22

Kannzɛ bɔ famiɛn Akaz o nyrɛnnɛn dan nun'n, sanngɛ ɔ'a mantan-man Anannganman.

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Ezai 46:7

Be suɛ i, be suɛ i be wati su, yɛ be fɛ i ko sie kan ɔ ´tran lɛ'n. Lɛ yɛ ɔ ka-a, ɔ tu-mɛn i bo kun, kannzɛ be kpan flɛ i-ɔ ɔ sro-man, ɔ de-man sran fi nyrɛnnɛn nun.

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 2:28

?Zidafuɛ mun amuɛn nga amun yili be'n be o nin? Sɛ be kwla de amun'n, man be wa de amun blɛ bɔ nyrɛnnɛn'n tɔ amun su'n. Afin amun amuɛn kpanngban nin amun klɔ mun be nuan'n sɛ.»

Zeremi 44:8

?Min klɔklɔlɛ yɛ amun waan amun ´klɔklɔ min-ɔn, bɔ i ti yɛ amun wa trannin Ezipt wa be wa yi sraka man amuɛn mun-ɔn? ?Amun kunndɛ kɛ amun nunnun nan asiɛ'n su nvle-nvlefuɛ'm be kwlaa be `yo amun finfin nan amun nyin gua ase?

Mmla'n 32:37

Ɔ ´usa be kɛ: «?Amun amuɛn bɔ be sasa amun'n, be o ninfan siɛn'n?

Mmla'n 32:38

Amuɛn sɔ mun'n, be yɛ amun yi tɛ man be nin-ɔn, be yɛ amun gua nzan man be nin-ɔn. ?Be o nin? Be `jaso nan be `de amun e! Be `jaso nan be `sasa amun e!

Jɔlɛ Difuɛ Mun 10:14

Amun `wɔ be ko kpan flɛ amuɛn nga amun ɔli bé sin'n, man be de amun blɛ kekle nga nun.»