Zeremi 10:9 - NYANMIƐN NDƐ'N 1998

⁹ Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.

Zeremi 10:9 ပူးပေါင်းရင်းမြစ်များ

1 Famiɛn Mun 10:22

Famiɛn'n lɛ mmeli mun, ɔ man be nin famiɛn Iram i liɛ mun be kɔ mmua, be kɔ Tarsis. Afuɛ nsan kwlaa be ba kpalɛ kun. Be ´ba'n, be fa sika ɔkwlɛ, nin jɛtɛ ufue, nin sui je mun, nin ndo mun, ɔ nin anunman fanunfanun mun ba.

2 Be Nyoliɛ 9:21

Famiɛn'n lɛ mmeli mun. Ɔ man Iram i sufuɛ'm be fa be kɔ mmua kpa. Be kɔ Tarsis. Afuɛ nsan kwlaa be fɛ i lɔ be ba kpalɛ kun. Kɛ be ´ba'n, be fa sika ɔkwlɛ, nin jɛtɛ ufue, nin sui je, nin ndo, ɔ nin anunman fanunfanun mun ba.

Jue Mun 115:4

Mɛn sɔ'm be nunfuɛ'm be amuɛn'm be liɛ'n, be fa jɛtɛ ufue nin sika ɔkwlɛ yɛ be yo-ɔ, be ti sran sa nuan like.

Jue Mun 72:10

Tarsis nin asiɛ bɔ nzue sin yia be'n, bɔ be o mmua-mmua lɔ'n be famiɛn'm be wa mɛn i like. Saba nin Seba famiɛn'm be ´fa be ninnge liɛ'm be ´blɛ i.

Ezai 23:6

Amun bɔ amun tran jenvie'n i nuan'n, amun `wɔ Tarsis lɔ, amun `la kondo.

Ezai 40:19

Sran'm bɔ bé sa si ngwlɛlɛ'n, be yɛ be yi amuɛn mun-ɔn, be yɛ be klo like kɛ blalɛ sa'n be fa yo be-ɔ. Yɛ ajuin difuɛ'm be klo sika ɔkwlɛ gua amuɛn sɔ'm bé wun, kpɛkuun be fa jɛtɛ ufue jrɔkɔ kanngan sende-sende bé wun.

Ezekiɛl 27:12

«Tarsisfuɛ'm be nin wɔ be di aata ɔ ninnge kpanngban bɔ a lɛ i'n ti. Be to ɔ trɔ mun. Be fa jɛtɛ ufue nin blalɛ, nin etɛn, ɔ nin sunmun yɛ be fa to be-ɔ.

Ezekiɛl 27:7

Ɔ su tannin'm be ti Ezipt lɔ lɛn kplɔkɔɔ ɔ nin nga be guguli i nuan'n, yɛ be fa sieli ɔ nzɔliɛ mmua mmua lɔ-ɔ. Tannin ɔkwlɛ srosrowa nin ɔkwlɛ kankankan nga be nin be fin Elisa klɔ'n b'ɔ o jenvie i nuan i su'n, be yɛ be kata wɔ aata ninnge'm be su-ɔ.

Daniɛl 10:5

M ´man mín nyin'n su-ɔ, sran kun yɛ ɔ o yɛ: lɛn tralɛ yɛ ɔ wlɛ i wun-ɔn, cisu bɔ be fa sika ɔkwlɛ jrɛiin yoli'n i kun ci i afiɛn.

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Zonas 1:3

Sanngɛ Zonas ´kunndɛ wanndi Anannganman bo ´kɔ Tarsis. Ɔ ko juli Zafo, ɔ ´nian-an, mmeli kun su kɔ Tarsis. Ɔ tuali mmeli'n i kalɛ, nan ɔ'a wlu nun yɛ fuauun, ɔ nin be bɔ be ´kɔ Tarsis'n be kɔlɛ nun-ɔn . I waan ɔ wanndi Anannganman i bo.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.