Zeremi 10:7 - NYANMIƐN NDƐ'N 1998

⁷ ?Nvle wunmuan'n be famiɛn: wan cɛ yɛ ɔ lɛ atin se kɛ i nyin yi-man wɔ-ɔ? A nin ainyiɛ fata. Afin nvle nin famiɛn diwlɛ'm be nun ngwlɛlɛfuɛ'm be kwlaa be nun sran fi nin wɔ sɛ-man .

Zeremi 10:7 ပူးပေါင်းရင်းမြစ်များ

2 Famiɛn Mun 17:39

sanngɛ amun nyin `yi min bɔ n ti Anannganman amun Nyanmiɛn'n. Afin min yɛ n ´de amun amun kpɔfuɛ'm be kwlaa bé sa nun-ɔn.»

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

Ɛstɛr 1:13

Yɛ famiɛn'n yiali be nga be ti ngwlɛlɛfuɛ nin be bɔ be si sa mun-ɔn. Sɛ ndɛ tɔ'n, mmla sifuɛ nin sa sifuɛ'm be yɛ famiɛn'n yia be yɛ be kan-an.

Jue Mun 147:5

E Min'n ɔ ti dan, i wunmiɛn'n ɔ cɛnnin. I ngwlɛlɛ'n ɔ lɛ-man tiwa.

Jue Mun 22:28

Be kwlaa nga be tran asiɛ wunmuan'n su, kannzɛ be o mmua o, man be bu Anannganman i akunndan, yɛ be blɛ i sin. Awlobo-awlobo nga be o nvle-nvle'm be nun'n, man be nunfuɛ'm be kwlaa be koto i bo!

Jue Mun 47:3

Afin Anannganman b'ɔ sie mɛn wunmuan'n ɔ yo sro, i yɛ ɔ ti asiɛ'n su famiɛn dan nin-ɔn.

Jue Mun 72:11

Famiɛn'm be kwlaa be ´koto i bo, mɛnmɛn nunfuɛ'm be kwlakwla be ´su i.

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Jue Mun 86:8

Min Min, amuɛn fi ti-man kɛ wɔ sa! Ɔ ninnge nga a yili be'n be lɛ-man wunsu.

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Jue Mun 89:6

Anannganman, anz'm be bo flɛ wɔ abonuan sa bɔ a yo be'n ti. Be nga be ti ɔ liɛ'n be anyia nun'n, be yi wɔ ayɛ ɔ nanwlɛ bɔ a di i titi'n ti.

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Zeremi 10:6

Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

JÉSUS-CHRIST I DYASIN FE'N BO LUC KLELI'N 12:5

M ma kle amun sran nga bɔ yɛ an `sro i'n. An `sro Nyanmiɛn bɔ kɛ ɔ kun sran'n, ɔ kwla fɛ i yi nyrɛnnɛn lika nun'n, i yɛ an `sro i-ɔ.

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Zozie 4:24

Anannganman e Nyanmiɛn'n kunndɛ kɛ asiɛ'n su nvle'm be nunfuɛ mun be kwlaa be si kɛ i dan'n lɛ-man wunsu. Yɛ ɔ kunndɛ kɛ e nyin yi i tititi, i ti yɛ ɔ yoli sa sɔ nin-ɔn.»

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»