Zeremi 10:6 - NYANMIƐN NDƐ'N 1998

⁶ Anannganman, like fi nin wɔ sɛ-man. A ti dan kɛ a kwla bɔ ɔ dunman'n fa fu ju'n sa.

Zeremi 10:6 ပူးပေါင်းရင်းမြစ်များ

2 Samiɛl 7:22

Nanwlɛ Anannganman Nyanmiɛn, a ti dan. A lɛ-man wunsu. Nyanmiɛn fi nun-man lɛ, san wɔ. Be kan kleli ye sɔ.

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 145:3

Anannganman ti dan, ɔ nin manmanlɛ fata lele tra su. Be wun-mɛn i dan b'ɔ ti'n i sin .

Jue Mun 147:5

E Min'n ɔ ti dan, i wunmiɛn'n ɔ cɛnnin. I ngwlɛlɛ'n ɔ lɛ-man tiwa.

Jue Mun 35:10

N ´tu n klun, n ´se kɛ: «Ee! Anannganman, a lɛ-man wunsu mlɔnmlɔn. Wɔ man nyrɛnnɛnfuɛ'n ɔ nyɛn i ti sran ng'ɔ kwlɛ i'n i sa nun. Wɔ man nyrɛnnɛnfuɛ'n nin yalɛfuɛ'n, be nyan bé ti sran ng'ɔ fɛn bé bo ninnge kanngan'n bé sa nun'n i sa nun.»

Jue Mun 48:1

Jue nga ti Kɔre i sran'm be liɛ. Be waan:

Jue Mun 96:4

Afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa .

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 8:10

Sran'm be tiantiannin klɛ'm be nuan kwlekwle dandan kpa, yɛ be nvan'n fali mɛn wunmuan'n.

Ezipt Lɔ Tulɛ'n 9:14

Afin siɛn liɛ'n, ɔ wa fa nyrɛnnɛn wafa'n kwlaa ɔ ´fa yi wɔ nin ɔ mantanfuɛ mun, ɔ nin ɔ nvle'n nunfuɛ mun amun kwlaa amún su, kɛ ɔ ´yo nan w'a wun kɛ be kwla fa-man sran fi sunnzun-mɛn i asiɛ wunmuan'n su'n ti.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 40:25

«?Wan yɛ amun ´fa min sunnzun i bɔ n ´kwla fɛ i-ɔ?» Nyanmiɛn b'ɔ lɛ-man wunsu'n yɛ ɔ usa sɔ-ɔ.

Ezai 46:5

?Wan yɛ amun ´fɛ i sunnzun min bɔ ɔ nin min ´sɛ-ɔ? ?Wan yɛ sɛ n wo sa yɛ ɔ o sa, bɔ sɛ amun nian ye'n, amun ´wun kɛ e wafa'n ɔ ti kun-ɔn?

Ezai 46:9

Man amún wla kpɛn sa nga be juli laa'n be su. Afin Nyanmiɛn'n yɛlɛ min, uflɛ fi nun-man lɛ kun. Nyanmiɛn'n yɛlɛ min, sran fi nin min sɛ-man.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 32:18

Osu nga ɔ waan a ´di i nɛnnɛn'n, a di i lele ɔ ju i akpasua akpi su. Sɛ kusu siɛ'm be yoli sa tɛ'n, a yo man be mma nga be jaso su'n be fɛ i su afɛ'n. Wɔ yɛ a ti Nyanmiɛn kpli ng'ɔ ti dan bɔ be flɛ i kɛ Anannganman b'ɔ sie mɛn wunmuan nin-ɔn.

Daniɛl 4:3

N seli kɛ be `yia Babilɔni sa sifuɛ'm be kwlaa kɛ be `wa tu min laliɛ'n i bo.

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Mmla'n 32:31

Afin be kpɔfuɛ'm be bɔbɔ be si kɛ be sasafuɛ'n nin be liɛ'n be ti-man kun.

Mmla'n 33:26

Moiz kan guali su kɛ: «Izraɛl , like fi nin ɔ Nyanmiɛn'n be sɛ-man. Ɔ fa nyanmiɛn ble'n yo i nnɛn kpanngɔ, kpɛkuun ɔ fu su, ɔ ba ɔ ukalɛ. Ɔ ba kɛ famiɛn sa.