Zeremi 10:5 - NYANMIƐN NDƐ'N 1998

⁵ Ɔ ti kɛ like nga be sie i fie'm be nun be fa wlanwlan anunman mun'n sa. Be ijɔ-man, kusu be nanti-man, sran yɛ ɔ sua be-ɔ. Nán amun sro be. Be yo sran sa-a ɔ yo-man ye. Be yo i sa kpa kusu-ɔ ɔ yo-man ye.»

Zeremi 10:5 ပူးပေါင်းရင်းမြစ်များ

1 Famiɛn Mun 18:26

Be fali nannin nga be fa mannin be'n, be kunnin i, be biali, nan b'a fɛ i nnɛn'n b'a siesie yie'n su, kpɛkuun be flɛli Baal nglɛmun lele wia jran. Be waan: «Baal, tɛ é su!» Sanngɛ be ti-man be `fuɛn, be ti-man be `trɛ. Kɛ ɔ ´yo sɔ'n, wuun be ´si able be ´bo sin yia sraka yiwlɛ nga be yoli'n.

2 Be Nyoliɛ 25:15

Anannganman fɛli i wun ya. Ɔ sunmɛnnin i nuan ijɔfuɛ'n kun i sin. Anannganman nuan ijɔfuɛ'n usali Amazia kɛ: «?Ɔ yo sɛ ti yɛ w'a kpɛ ɔ́ nyin amuɛn nga b'a kwla de-man be sran mun ɔ́ sa nun'n be su-ɔ?»

Ezai 16:12

Moabfuɛ'm be fu kɔ sraka yiwlɛ lika mun bɔ be o kpɔlɛ'm be su'n be nun lɔ, be ko kle bé wun yalɛ ngbɛn. Be kɔ amuɛn sua'n nun be ko srɛ, sanngɛ ngbɛn-ɔn .

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Ezai 46:1

Bɛl ɔ'a koto, Nɛbo ɔ'a klu. Amun fa be nzɔliɛ mun sie nnɛn nga be sua trɔ'n be su. Be sua be kɛ trɔ sa. Be kaci trɔ nɔnnin-nɔnnin nnɛn sɔ'm bɔ b'a fɛ'n be su.

Ezai 46:7

Be suɛ i, be suɛ i be wati su, yɛ be fɛ i ko sie kan ɔ ´tran lɛ'n. Lɛ yɛ ɔ ka-a, ɔ tu-mɛn i bo kun, kannzɛ be kpan flɛ i-ɔ ɔ sro-man, ɔ de-man sran fi nyrɛnnɛn nun.

Zeremi 10:14

Sran'm be kwlaa be kaci sinnglinfuɛ. Be wun-man sa wlɛ. Ajuin difuɛ nga be yi amuɛn ba'n be wun nyannzuɛn. Be wun kɛ bé sa nuan like sɔ'n be ti finfin like. Nguan fi nun-man be nun.

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.

1 Korɛntfuɛ Mun 12:2

An si kɛ i nun bɔ an tɛ sɔ amuɛn'n, an su amuɛn bɔ be ijɔ-man'n bé su.

1 Korɛntfuɛ Mun 8:4

I sɔ'n ti'n, nga b'ɔ ti amuɛn nnɛn'n i dilɛ i wun ndɛ liɛ'n, e si kɛ amuɛn'n ti-man like nanwlɛ, yɛ kusu e si kɛ Nyanmiɛn ti kunngba cɛ .

Mmla'n 4:28

Kpɛkuun amun ´sɔ amuɛn bɔ sran yɛ ɔ yili be mun. Amuɛn sɔ'm be ti waka annzɛ yɛbuɛ bɔ be wun-man ase, be ti-man sa, be kwla di-man like, be bue ti-man nvan'n. Amun ´sɔ be mɛn sɔ'm be nun.