Zeremi 10:4 - NYANMIƐN NDƐ'N 1998

⁴ Be fa jɛtɛ ufue annzɛ sika ɔkwlɛ be klo guɛ i wun be fa yo i klanman. Kpɛkuun be fa kpɛngbɛ be fa trɛ i ase nan ɔ'a tɔ-man.

Zeremi 10:4 ပူးပေါင်းရင်းမြစ်များ

Jue Mun 115:4

Mɛn sɔ'm be nunfuɛ'm be amuɛn'm be liɛ'n, be fa jɛtɛ ufue nin sika ɔkwlɛ yɛ be yo-ɔ, be ti sran sa nuan like.

Jue Mun 135:15

Nvle kun nga'm be amuɛn mun'n, jɛtɛ ufuɛ annzɛ sika ɔkwlɛ yɛ be fa yi be-ɔ. Be ti sran sa nuan like.

Ezai 44:12

Kɛ blalɛ bofuɛ'n ɔ ´bo kpɛliɛ'n, ɔ wlɛ i sin nun. I kunngba nin-ɔn, kɛ ɔ ´yi amuɛn'n kɛ ɔ yo i sɔ-ɔ, i sin ɔ fa marto finfin su. Ɔ fɛ i wunmiɛn'n kwlaa yɛ ɔ fa yo-ɔ. Sanngɛ kɛ awe kun i'n, kpɛkuun ɔ lɛ-man wunmiɛn kun, yɛ sɛ ɔ'a nɔn-man nzue'n, kpɛkuun ɔ su fɛ.

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Ezai 46:7

Be suɛ i, be suɛ i be wati su, yɛ be fɛ i ko sie kan ɔ ´tran lɛ'n. Lɛ yɛ ɔ ka-a, ɔ tu-mɛn i bo kun, kannzɛ be kpan flɛ i-ɔ ɔ sro-man, ɔ de-man sran fi nyrɛnnɛn nun.

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Abakik 2:19

Sran ng'ɔ se waka losin'n kɛ: ‹Tinnge'n,› sran ng'ɔ se yɛbuɛ b'ɔ si-man ijɔ'n kɛ: ‹Jaso'n,› i yako lele! Be kwla kle-man sran like fi. Man i li sran'm be kata amuɛn sɔ'm bé wun nin sika ɔkwlɛ ɔ nin jɛtɛ ufue, nán kɛ be lɛ nguan kɛ sran sa ti-ɔ.