Zeremi 10:3 - NYANMIƐN NDƐ'N 1998

³ Nvle kun nga'm be ninnge nga be yo'n ɔ ti finfin like. Be ko kpɛ waka bo nun, ajuin difuɛ'n fɛ i soma'n fa sɛ.

Zeremi 10:3 ပူးပေါင်းရင်းမြစ်များ

Jue Mun 115:4

Mɛn sɔ'm be nunfuɛ'm be amuɛn'm be liɛ'n, be fa jɛtɛ ufue nin sika ɔkwlɛ yɛ be yo-ɔ, be ti sran sa nuan like.

Ezai 45:20

Nvle-nvle'm be nunfuɛ mun, amun nga amun kali lɛ'n, amun `tian amun nuan nan amun `bla, amun `wunnge wa likawlɛ. «Be nga be sua be waka sran'n, bɔ be srɛ amuɛn b'ɔ kwla de-man be'n, be sɔfuɛ'm be si-man ngwlɛlɛ.»

Zeremi 1:16

Sa tɛ kwlaa nga be yoli'n ti'n bé fɔ nga n kannin kɛ m ´bu be'n, m ´bu, yɛlɛ kɛ be kacili be sin sili min: be yrali ansans mannin amuɛn mun, be bɔbɔ be yoli amuɛn mun, kpɛkuun be bli bé nyin be kotoli be bo.

Zeremi 10:8

Be kwlakwla be ti sinnglinfuɛ kpan. Waka bɔ be sɔ i'n kle kɛ be ti finfinfuɛ.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Saun Yolɛ 18:30

Nan i yɛ m'an kɛn i lɛ-ɔ. Mmla nga n kan n kle amun'n, amun `nian su be `yo. Tete sa nga be dunnin mmua be yoli nan amu'an ba'n, nán amun nian su be yo wie, ɔ ti-mɛn ti-ɔ, sa tɛ kunngba'n ɔ ´kan amun wie. Min Anannganman amun Nyanmiɛn'n yɛ n kɛn i sɔ n kle amun-ɔn.»

Matthieu 6:7

Kɛ amun nin Nyanmiɛn amun ´koko yalɛ'n, nán an kan ndɛ kunngba'n flan nun kɛ be bɔ be ti-man Zuif'n be yo'n sa, afin be bu i kɛ sɛ be kan ndɛ kpanngban'n, yɛ Nyanmiɛn ´ti-ɔ .

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.