Zeremi 10:25 - NYANMIƐN NDƐ'N 1998

²⁵ Be ng'ɔ fata kɛ ɔ ya dan'n tran be su'n, yɛlɛ mɛn nga be si-man wɔ'n, yɛlɛ minniɛn nga be bo-man ɔ dunman'n. Afin be su fɛn ɔ nvlefuɛ'm be bo ninnge mun. Be su saci be tranwlɛ'n, be su nunnun be.

Zeremi 10:25 ပူးပေါင်းရင်းမြစ်များ

Zɔb I Nyrɛnnɛn Wunlɛ 18:21

Kɛ sa tɛ yofuɛ'n i awlo'n ɔ ti kɛ ng'ɔ o lɛ'n sa. Be nga bɔ be si-man Nyanmiɛn'n, kɛ be tranwlɛ'n ɔ ti kɛ ng'ɔ o lɛ'n sa.

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Jue Mun 147:20

Ɔ'a yo-man nvle uflɛ fi sɔ. Be wie fi si-mɛn i mmla mun . Amun `manman Anannganman!

Jue Mun 27:2

Sɛ sa tɛ yofuɛ'm be ba kɛ nnɛn wlɛfuɛ mun sa kɛ be wa ´di min nnɛn'n, min kpɔfuɛ sɔ mun, be yɛ srɛ kun be yɛ bé wun usu-usu be, yɛ be tɔ-ɔ.

Jue Mun 69:24

Man be nyinma su dun be, nán be wun ase kun. Yo man be wi'n sata be wun titi.

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 64:7

Ɔ nin sɔ'n ngba'n, Anannganman, a ti é si. E ti kɛ ufa sa, wɔ yɛ a ti ye ufuɛ-ɔ. E kwlaa e ti ɔ́ sa nuan like .

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Zeremi 11:1

Anannganman'n fali ndɛ ng'ɔ o yɛ'n wlɛli i Zeremi nuan. I waan:

Zeremi 30:16

Sanngɛ sɛ n ´kwla se'n, be kwlaa nga be kpisali wɔ, be mɛnnin wɔ bi'n, be ´kpisa be be ´mɛn be bi wie. Be ´tra ɔ kpɔfuɛ'm be kwlaa be ´kɔ. Be nga be sacili ɔ́ bo ninnge mun'n, be ´saci be liɛ'n wie. Be nga be fɛnnin ɔ́ bo ninnge'n, n ´yaci be ninnge liɛ'n kusu lɛ man be ´fɛn.

Zeremi 50:17

Izraɛl ti kɛ bua bɔ asɔmɔli'm b'a fuɛn i bɔ ɔ'a mlin'n sa. Sran ng'ɔ dun mmua dili i'n yɛlɛ Asiri famiɛn'n. Kpɛkuun Babilɔni famiɛn'n kusu ɔ wa boboli i owie'n.

Zeremi 50:7

Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Ngwlɛ Yilɛ 2:22

Kɛ a fali ya'n, a flɛflɛli min kpɔfuɛ mun kɛ wienun-ɔn be su kɔ cɛn dilɛ sa. Be kwlakwla'n bé ti yiali mín wun. Min mma'm bɔ n yɛyɛli be lele'n, be kpɔfuɛ'm be wa nunnunnin be ngba. Be nun kun sa ɔ'a nyan-man wanndiwlɛ. Be nun kun sa ɔ'a fite-man nun.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

Zakari 1:15

Ya nga m'an fɛ i nvle nga be fa bé wla gua be bɔbɔ be wun su'n, be wun'n, ɔ ti dan. Ɔ liɛ ya kaan sa bɔ n fɛli i Izraɛl wun'n, i ti ɔ sacili. Nvle sɔ'n bé sa o i sacilɛ sɔ'n nun wie.›

Jean 17:25

Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Sa nga bé yôli'n 17:23

Afin, kɛ n ´sin'n, n wun ninnge bɔ an sɔ be'n, yɛ n wunnin sraka yiwlɛ kun bɔ an klɛli su kɛ: ‹Like wie bɔ e si-mɛn i'n i liɛ-ɔ.› Like nga an sɔ i bɔ sanngɛ an si-mɛn i'n, i ndɛ yɛ m ba amun kan kle lɛ-ɔ.

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Sa nglô yile 16:1

N tili sran kun nɛn kekle kpa Nyanmiɛn lika'n nun lɔ, ɔ seli anz nso'm be kɛ: «An `ko utu Nyanmiɛn i ya dan'n b'ɔ o klowa nso'n be nun'n asiɛ'n su !»