Sran'm be nin be nyɔnngɔnmɛn bɔ be sua trɔ'n, nzue we b'ɔ kun be'n ti'n, be yaci be atin'n lɛ: Be tɔ aawlɛ flɛnnɛn'n nun lele be mlin, kpɛkuun be wun-man be osu kun.
Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. I waan be `fa jru ng'ɔ lɛ nyanman mɔcuɛ'n. I waan:
Ɔ fata kɛ be fa waka nɔnnin be bo ble'n, sanngɛ be yo-mɛn i sɔ cɛ-man. Nnɛn kpanngɔ'm be cuɛn kakaklolo'n, yɛ i ja'm be sin ble'n su, sanngɛ be fa fufu-man ble'n i mma'n.
Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»
Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »
Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.