Zeremi 10:20 - NYANMIƐN NDƐ'N 1998

²⁰ yɛ mín tannin sua'n ɔ'a bubu yɛ i nyanman'm b'a kpɛkpɛ yɛ. Min mma'm b'a ɔ, b'a fi mín sa. N lɛ-man sran fi b'ɔ ´man mín tannin sua'n su-ɔ. N lɛ-man sran fi b'ɔ ´tanndan nun-ɔn.› »

Zeremi 10:20 ပူးပေါင်းရင်းမြစ်များ

Zɔb I Nyrɛnnɛn Wunlɛ 7:8

Wɔ bɔ a nian min su'n, a su wun-man min kun. Kɛ a ´nian-an, m'an tu anunman.

Nyanndra Mun 12:7

Kɛ klunwifuɛ'm be ko wu'n, wuun be liɛ a wie. Sanngɛ sran kpafuɛ'm be awlo bo'n ɔ jin lɛ ca!

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 51:18

Amun mma nga amun wuli be'n, be nun kun sa ɔ'a dun-man mmua amun nyrun a kle-man amun atin. Ba nga amun tali be'n, be nun kun sa a tra-man amún sa.

Ezai 54:2

Ɔ man amun `trɛ amún tannin sua'm be nun. Man be tinngɛ amún sua'm bé su tannin'm be nun. Amun `nian nun yo be dan! Amun `cuɛn amun tannin sua'm be nyanman'm be nun, amun `sisi amún sua'm be ja'm bé bo kpa.

Zeremi 30:17

Kɛ bɔ be fa fuanlɛ bɔ n fuannin wɔ'n be fa se wɔ nun'n, bɔ be flɛ wɔ kɛ Siɔn bla bɔ sran fi flɛ-mɛn i'n ti n wa yo wɔ juejue. N wa fua ɔ́ kannin mun.» Anannganman'n yɛ ɔ kannin sɔ-ɔ.

Zeremi 31:15

Anannganman'n wan yoo: «Kpanlɛ nin sunlɛ, ɔ nin awuyomo tɛ Rama lɔ. Rasɛl yɛ ɔ su sun i mma mun-ɔn. Ɔ kpli-man su kɛ be kpɛtɛ i, yɛlɛ kɛ i mma'm be nun-man lɛ kun .»

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Ngwlɛ Yilɛ 1:5

Zerizalɛm i kpɔfuɛ'm be yɛ b'a kwla-a. B'a nyan manndran. I sa tɛ beblebe b'ɔ yo be'n ti, Anannganman ɔ'a kɛn i ase. I mma'm be yɛ be kpɔfuɛ'm be ´kankan be ´dun mmua be nyrun yɛ, be ´ko fa be yo be kanga .

Mise 2:9

Awlo nga min nvle'n nun mmla'm be klo nun tranlɛ'n, amun ko kankan be bo i nun. Kpɛkuun anyrunnyan nga n fa mannin be mma mun'n, an deli bé sa nun.