Zeremi 10:2 - NYANMIƐN NDƐ'N 1998

² Anannganman'n wan yoo: «Nán an sɔnnzɔn nvle kun nga mun. Nzɔliɛ ng'ɔ fite nyanmiɛn'n b'ɔ la nglo lɔ plaii'n i su'n b'ɔ yo nvle kun nga'm be sro'n, nán be yo amun sro.

Zeremi 10:2 ပူးပေါင်းရင်းမြစ်များ

Bo Bolɛ 1:14

Yɛ Nyanmiɛn'n seli kɛ: «Man like wie'm be tran nglo lɔ be kpaja nan ngbaciɛ tran wia nun'n nin kɔnguɛ'n be afiɛn. Man like sɔ'm be yo cɛn ɔ nin blɛ, ɔ nin afuɛ'm be nzɔliɛ.

Zeremi 10:1

Izraɛlfuɛ mun, an `tie ndɛ nga Anannganman'n kan kle amun'n.

Ezekiɛl 20:32

«Amun bu i kɛ amun kwla yo kɛ mɛn kun nga'm be nunfuɛ'm be sa nan amun ´kwla sɔ waka mun nin yɛbuɛ mun, atin sin-man lɛ.

Saun Yolɛ 18:3

Ezipt mɛn'n nun kan amun trannin lɔ laa'n, nán amun yo lɔ like mlɔnmlɔn kun. Like nga be yo i Kanaan mɛn'n nun kan min nin amun su kɔ lɔ'n, nán amun yo wie. Mɛn sɔ'n nunfuɛ'm be mmla nga be nanti su'n, nán amun nanti su wie.

Saun Yolɛ 20:23

Nvle nga n wa ´tu be nunfuɛ'm bé bo amun nyrun'n lɛ'n, nán amun nian be like liɛ nga be yo'n su be yo wie. Sa tɛ nga be yoli'n, i ti yɛ man min konvi tuli bé su nin-ɔn.

Mmla'n 18:9

Sɛ amun ju mɛn nga Anannganman amun Nyanmiɛn'n ɔ'a fa man amun'n i nun lɔ'n, tete sa nga lɔ sran'm be yo'n, nán amun nian su yo wie.

Jɔlɛ Difuɛ Mun 6:10

Yɛ n seli amun kɛ: N ti Anannganman amun Nyanmiɛn. Amɔrfuɛ nga'm bé mɛn'n nun yɛ amun wo yɛ'n, nán amun sɔ be amuɛn mun. Sanngɛ, amu'an ti-man mín nuan ndɛ'n.› »