Zeremi 10:18 - NYANMIƐN NDƐ'N 1998

¹⁸ Anannganman'n wan yoo: «Ndɛkɛn liɛ'n, n wa finndin mɛn nga nunfuɛ mun n yi i lɔ. Kɛ n ´fuan be'n, m ´mantan be koko nan m'an nyan be.»

Zeremi 10:18 ပူးပေါင်းရင်းမြစ်များ

Ezai 22:17

Se i kɛ: «Nian, nja bian klanman, Anannganman wa finndin wɔ yi wɔ blo, yɛ ɔ ´fa wɔ wla like wie nun.

Zeremi 16:13

I sɔ'n ti, n ´to amun n ´guɛ i mɛn wie nun. Amun ´kɔ mɛn kun bɔ amún si'm b'a si-mɛn i bɔ amun kusu amun si-mɛn i'n nun. Amun ´su like wie mun lɔ kɔnguɛ nin wia su, afin n su si-man amun aunnvuɛ kun.› »

Zeremi 22:26

A nin ɔ́ nin ng'ɔ wuli wɔ'n, n ´fa amun kɔ mɛn uflɛ b'ɔ ti-man amun awuliɛ mɛn'n nun. Amun ´wu lɔ.

Zeremi 23:20

Sɛ a ´wun kɛ Anannganman'n i ya'n ɔ ´jɔ'n, wuun sa ng'ɔ guguli kɛ ɔ ´yo'n ɔ'a wie kwlaa yo. Cɛn wie yɛ amun wa wun i wlɛ-ɔ.

Ezekiɛl 6:10

Be wa si jrɛiin kɛ min yɛ n ti Anannganman nin-ɔn, nan ndɛ nga n kannin'n, m'an kɛn-mɛn i ngbɛn. Kɛ n seli be kɛ n wa fa nyrɛnnɛn n ´yi be su'n, nán ijɔlɛ ngbɛn yɛ n ijɔli-ɔ.›

Sofoni 1:17

«N ´fa nyrɛnnɛn'n n ´yi i sran'm be su, be ´nanti kɛ anyansifuɛ mun sa. Fɔnlɛ bɔ be fɔnnin Anannganman wun'n ti, be mmoja'n ´sonji lika'n nun kɛ nzue sa, yɛ be fuɛn'n ´kplɔ kɛ ofuɛ su like sa.»

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Mmla'n 28:52

Be ´taka be ngblaliɛ mun amun klɔ'm bé sin, yɛ be ´tran lɛ lele be bubu amun klɔ'm bé wun talɛ kpakpa nga be ti nglo-nglo bɔ amun lafi bé su amun mɛn'n nun'n. Be ´yo i sɔ mɛn nga Anannganman amun Nyanmiɛn'n fa mannin amun'n i wunmuan'n nun.

1 Samiɛl 25:29

Sɛ sran kun jaso ɔ su ɔ́ su nan i waan ɔ ´kun wɔ'n, Anannganman ´sasa wɔ. Yɛ ɔ ´finndin ɔ kpɔfuɛ'n yi i lɔ kɛ be fa kpafloko to yɛbuɛ'n sa.