Zeremi 10:12 - NYANMIƐN NDƐ'N 1998

¹² I kwlalɛ b'ɔ kwla'n ɔ man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Zeremi 10:12 ပူးပေါင်းရင်းမြစ်များ

Bo Bolɛ 1:1

Kɛ mɛn'n bo i bo'n, Nyanmiɛn yili nglo nin asiɛ'n .

Bo Bolɛ 2:5

wuun waka nun-man lɛ'n, wuun nnya-nnya fi nian fifi-man. Afin i blɛ sɔ nun'n, wuun Anannganman Nyanmiɛn nian tɔ-man nzue asiɛ'n su. Yɛ sran fi kusu nun-man lɛ b'ɔ ´di fie-ɔ.

1 Be Nyoliɛ 16:26

afin mɛn'n nunfuɛ'm be amuɛn'm be ti ato ninnge mun. Anannganman yɛ ɔ yili nglo lɔ nin-ɔn.

Zɔb I Nyrɛnnɛn Wunlɛ 26:7

Ɔ fa nglo lɔ lika'n ɔ fa sie i lɛ sa ngbɛn. Ɔ fa asiɛ'n ɔ fa sende i lɛ sa ngbɛn.

Zɔb I Nyrɛnnɛn Wunlɛ 37:18

kɛ Nyanmiɛn ɔ ´yi nglo lɔ lika'n a ukɛli i? Ɔ yoli i kekleke kɛ niannun bɔ b'a fa wlɛ i blalɛ wie nun'n sa.

Zɔb I Nyrɛnnɛn Wunlɛ 9:8

I ngunmin yɛ ɔ fali nyanmiɛn'n ɔ sɛli i nglo lɔ kɛ bɛ sa-a. Ɔ nanti jenvie'n i nzue ng'ɔ jaso nglo kendengleiin'n su.

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Jue Mun 119:90

A di nanwlɛ tititi. A yili asiɛ'n, kɛ ɔ o lɛ'n yɛ ɔ wo-ɔ.

Jue Mun 24:2

Ɔ takali asiɛ'n jenvie'n su. Ɔ tɛkɛli i nzue ba'm be su.

Jue Mun 33:6

Anannganman i nuan nun ndɛ'n yɛ ɔ fa yili nyanmiɛn b'ɔ la nglo lɔ plaii nin-ɔn. I nuan b'ɔ ukeli i sa'n, kpɛkuun nzraama'm be fiteli .

Jue Mun 65:7

Ɔ fanngan nun yɛ man oka'm be taka lɛ-ɔ. A lɛ tinmin dan.

Jue Mun 78:69

Lɔ yɛ ɔ kplannin i sua nin-ɔn, ɔ kplɛnnin i kekleke kpa kɛ nyanmiɛn'n b'ɔ la nglo lɔ plaii'n sa. Ɔ kplɛnnin i cinnjin kɛ asiɛ'n bɔ kɛ ɔ o lɛ'n yɛ ɔ wo'n sa.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Nyanndra Mun 3:19

Akunndan'n yɛ Anannganman fa yili asiɛ nin-ɔn. Ngwlɛlɛ'n yɛ ɔ fa yoli nyanmiɛn su lɔ nin-ɔn .

Nyanndra Mun 30:4

?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.

Ezai 37:16

«Anannganman b'ɔ sie mɛn wunmuan'n, Izraɛl Nyanmiɛn, wɔ yɛ a ti anz nga be nian ɔ ninnge'm be su'n be su kpɛn nin-ɔn. Ɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

Ezai 40:22

Anannganman ti asiɛ'n i ti su nglo lɔ ɔ man asiɛ'n su sran'm be ti kanngan kɛ lalo mun sa. I yɛ ɔ tinngɛli nyanmiɛn ng'ɔ wo e ti su nglo'n i nun kɛ tannin sa-a, i yɛ ɔ trɛli nun kɛ tannin sua sa yɛ ɔ fa yoli i tranwlɛ nin-ɔn.

Ezai 42:5

Sran ng'ɔ yili nyanmiɛn'n b'ɔ la nglo lɔ plaii'n, b'ɔ tinngɛli nun kɛ bɛ sa'n, b'ɔ yili asiɛ'n nin i su ijre, nin waka mun'n, b'ɔ mannin i su sran'm be nguan'n, b'ɔ mannin i su sran'm be wunmiɛn'n, Nyanmiɛn b'ɔ ti Anannganman'n, ɔ kan kle sran ng'ɔ kpɛli i'n kɛ:

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Ezai 45:12

Min yɛ n yili asiɛ nin-ɔn. Min yɛ n yili i su sran mun-ɔn. Nyanmiɛn'n b'ɔ la nglo lɔ plaii'n, m bɔbɔ min yɛ n fali ń sa n tinngɛli nun-ɔn. Min yɛ n sie nzraama mun-ɔn.

Ezai 45:18

Anannganman yili nglo'n. Ɔ siesieli asiɛ'n i wafa'n, kpɛkuun yɛ ɔ yili-ɔ, yɛ ɔ man ɔ yoli cinnjinnjin-ɔn. Ɔ'a yi-mɛn i ngbɛn, ɔ yili kɛ be tran su. Ndɛ ng'ɔ kan'n yɛ: «Min yɛ n ti Anannganman nin-ɔn, uflɛ fi nun-man n sin.

Ezai 48:13

M bɔbɔ yɛ n fali mín sa n wlali asiɛ'n i bo ase-ɔ, sɛ nyanmiɛn ng'ɔ la nglo lɔ plaii yɛ'n o ti bɛ'n, wuun n ´se kɛ m bɔbɔ yɛ n fali min sa n tinngɛli nun-ɔn. Sɛ asiɛ'n nin nyanmiɛn'n be ti sran'n, wuun n ´se kɛ, kɛ m bo be dunman cɛ'n, kpɛkuun be ba likawlɛ.

Ezai 49:8

Ndɛ nga Anannganman ɔ kan'n yɛ. I waan: «N tili ndɛ nga amun kɛnnin i blɛ ng'ɔ ti kpa'n i nun'n, yɛ i nun bɔ n deli sran mun, n jrannin amún sin. N sasali amun. N fali amun kɛ amun `yo aenguɛ bɔ e nin sran mun e tra'n i nun aowa. N wa yo man mɛn'n ɔ ´nyan nyrun ekun, yɛ n wa cɛcɛ min asiɛ bɔ ɔ'a saci ndɛ yɛ'n i nun .

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zakari 12:1

Ndɛ cinnjin'n yɛ, Anannganman b'ɔ boli nglo nin asiɛ'n, b'ɔ mannin sran nguan'n, i ndɛ ng'ɔ kan Izraɛl wun'n yɛ:

Jean 1:3

I yɛ Nyanmiɛn man ɔ yili ninnge'n kwlaa-a, like fi nun-man lɛ bɔ nɛ́n i yɛ ɔ yili-ɔ.

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.