Zeremi 1:9 - NYANMIƐN NDƐ'N 1998

⁹ Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Zeremi 1:9 ပူးပေါင်းရင်းမြစ်များ

Ezai 49:2

Ɔ yoli man ndɛ ng'ɔ fin mín nuan fite'n ɔ kaci kɛ tokofi b'ɔ la kpa'n sa. Ɔ fɛli i sa'n i fɔnvɔ'n katali min su. Ɔ yoli man n kacili kɛ ta mma b'ɔ ti piembie kpa'n sa. Sɛ n ´kwla se'n, ɔ fali min fiali i ta'n i bua'n nun.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Zeremi 34:6

Nyanmiɛn nuan ijɔfuɛ Zeremi ko kannin ndɛ sɔ'n kwlaa kleli famiɛn Sedesias Zerizalɛm lɔ.

Zeremi 36:2

«Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Zeremi 5:14

Anannganman b'ɔ sie mɛn wunmuan'n wan yoo: «I sɔ bɔ be kannin'n ti'n, ndɛ nga n ´fa wla ɔ́ nuan'n, ɔ ´yo kɛ sin sa. Sin sɔ'n ɔ ´yra be kɛ waka sa.

Ezekiɛl 3:10

Ɔ kɛnnin ekun kɛ: «Ezekiɛl, fa ndɛ nga n ´kɛn i yɛ'n sie ɔ klun, fa ɔ́ su sie ndɛ'n nga n wa kɛn i yɛ'n kwlaa i bo.

Daniɛl 10:10

Kpɛkuun sran sa kun kannin min, ɔ mannin min su. N kotoli nan m'an fuafua min sa ase, kɛ ɔ ´yo sɔ'n, wuun n ´usu.

Daniɛl 10:16

Kpɛkuun like kun ti kɛ klɔ sran sa ɔ kannin mín nuan bui'n. N ukeli mín nuan'n n seli sran ng'ɔ jin min nyrun lɛ'n kɛ: ‹Nannan, aolia nun like'n ɔ boli mín wla, i yɛ ɔ yoli yɛ man fanngan fi nun-man min nun kun nin-ɔn.

Kalɛ 23:5

Ndɛ ng'ɔ fata kɛ Balaam kan'n, Nyanmiɛn fa wlɛli i nuan, nan ɔ'a se i kɛ ɔ `sɛ i sin Balak wun lɔ.

Matthieu 10:19

Sanngɛ blɛ nga be ´sanman amun'n, nán an koko ijɔlɛ wafa nga amun ´fa ijɔ'n, nin ndɛ nga amun ´ko kan'n ti. Ndɛ nga amun ´ko kan'n, Nyanmiɛn bɔbɔ wa kle amun dɔ kunngba sɔ'n su.

Marc 7:33

Ɔ fɛ i jaoli sran'm bé wun lɛ, nan b'a ɔ be ngunmin. Ɔ fɛ i sama'n wlɛli i su'n be nun, yɛ ɔ fɛ i nuan nzue'n kɛnnin i taaman'n.

JÉSUS-CHRIST I DYASIN FE'N BO LUC KLELI'N 12:12

afin Nyanmiɛn Wawɛ'n bɔbɔ ɔ ´kle amun ndɛ nga amun ´kan'n dɔ kunngba sɔ'n su.»

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Mmla'n 18:16

Kɛ e yiali Orɛb lɔ'n, ndɛ nga amun bɔbɔ amun kan kleli Anannganman amun Nyanmiɛn'n yɛ ɔ lɛ-ɔ. Amun seli i kɛ: «E su kwla tie-man Anannganman i nɛn'n sa cɛn'n kwlakwla. E su kwla nian-man sin dan nga sa titi. Ɔ ´yo sɔ san e ´wu.»

Mmla'n 18:17

Nan Anannganman ɔ'a se min kɛ: «Ng'ɔ fin bé nuan fiteli lɛ'n ti kpa.

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.