Zeremi 1:7 - NYANMIƐN NDƐ'N 1998

⁷ Yɛ Anannganman'n seli min kɛ: «Nán se kɛ a ti bakan, sran nga n sunman wɔ bé sin'n, kɔ be kwlaa bé sin. Ndɛ kwlaa nga n waan a `kan'n, kan.

Zeremi 1:7 ပူးပေါင်းရင်းမြစ်များ

1 Famiɛn Mun 22:14

Mise tɛli i su kɛ: «N kan Anannganman! Ndɛ ng'ɔ fa wla mín nuan'n yɛ n ´kan-an.»

1 Famiɛn Mun 3:7

Anannganman min Nyanmiɛn, ɔ bɔbɔ yɛ a fali min sieli famiɛn mín si David i osu-ɔ. N kusu n tɛ yo bakan, n si-man mɛn sie.

2 Be Nyoliɛ 18:13

Mise tɛli i su kɛ: «N kan Anannganman! Ndɛ ng'ɔ fa wla mín nuan'n yɛ n ´kan-an.»

Ezipt Lɔ Tulɛ'n 6:29

ɔ seli i kɛ: «N ti Anannganman. Ko kan ndɛ nga n ´kan kle wɔ yɛ'n kwlaa kle Ezipt famiɛn'n.»

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Zeremi 43:1

Kɛ Zeremi wieli ndɛ nga Anannganman Nyanmiɛn kpli'n fa wlɛli i nuan kɛ ɔ kan kle nvlefuɛ mun'n kan'n,

Zeremi 7:27

«Zeremi, a kan ng'ɔ o lɛ'n kle be-ɔ, be su fa-man bé ti de-man. A flɛ be-ɔ, be su tɛ-man wɔ su.

Ezekiɛl 2:7

A wa kan mín nuan su ndɛ'n kle be, sɛ be ´fa su o, sɛ kusu kɛ bé nyin su ti kekle'n ti be ´se kɛ be fa-man su o, ɔ li kan kle be.

Ezekiɛl 3:27

Sanngɛ sɛ min waan n ´fa min ndɛ'n n ´wla ɔ́ nuan nan a kan'n, n ´tike ɔ́ nuan'n kpɛkuun a ´kwla ijɔ. Kpɛkuun se be kɛ: ‹Anannganman'n Nyanmiɛn wan yoo.› Sran nga i waan ɔ ´ti'n, ɔ ´ti. Sran nga i waan ɔ ti-man'n, ɔ su ti-man, afin be ti sran nyin keklefuɛ.»

Amɔs 7:15

Anannganman'n yɛ ɔ ko fali min nnɛn'm bé sin lɔ yɛ ɔ seli min kɛ n wa kan i nuan su ndɛ kle Izraɛlfuɛ mun-ɔn.

Zonas 3:2

«Jaso kɔ Niniv, kɔ klɔ dan'n sɔ su lɔ. Ndɛ nga n ´fa wla ɔ́ nuan yɛ'n, bo i ndolo kle lɔfuɛ mun.»

Kalɛ 22:20

Kɔnguɛ Nyanmiɛn wa seli Balaam kɛ: «Kɛ bɔ sran nga'm be bali wɔ flɛlɛ'n ti, jaso nan a nin be wɔ. Sanngɛ like nga n se wɔ kɛ a yo'n yɛ yo-ɔ.»

Kalɛ 22:38

Yɛ ɔ tɛli i su kɛ: «?Siɛn'n bɔ m'an ba'n, nguɛ ndɛ yɛ n ´kan kle wɔ-ɔ? Ndɛ nga Nyanmiɛn fa wla mín nuan'n, yɛ n ´kan kle wɔ-ɔ.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.