Zeremi 1:6 - NYANMIƐN NDƐ'N 1998

⁶ N tɛli su kɛ: «Ee min Min Anannganman, n ti bakan n si-man ijɔ .»

Zeremi 1:6 ပူးပေါင်းရင်းမြစ်များ

Ezipt Lɔ Tulɛ'n 4:1

Moiz seli Nyanmiɛn kɛ: «Nian, be su lafi-man min su, be su fa-man ndɛ nga n ´kan'n su. Be wa se min kɛ: ‹Anannganman ɔ'a yi-mɛn i wun nglo ɔ'a kle-man wɔ›.»

Ezipt Lɔ Tulɛ'n 6:12

Moiz tɛli i su kɛ: «?Izraɛlfuɛ'm bɔbɔ b'a tie-man mín nuan ndɛ'n, yɛ famiɛn'n i li yɛ ɔ wa tie min bɔ n si-man ijɔ'n min ndɛ nin-ɔn?»

Ezipt Lɔ Tulɛ'n 6:30

Yɛ Moiz tɛli Anannganman su kɛ: «Min yɛ n wo yɛ, n si-man ijɔ. ?N ´yo sɛ nan famiɛn'n ɔ'a ti min ndɛ nga n ´kan'n?»

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Zeremi 14:13

Yɛ n tɛli su kɛ: «Ee! Anannganman Nyanmiɛn kpli, Nyanmiɛn nuan ijɔfuɛ'm be seli be kɛ: ‹Alɛ su tɔ-man amun su. Awe su kpɛn-man amun su. Nyanmiɛn'n ´yo man amun ´nyan fɔundi dan lika nga nun wa.› »

Zeremi 32:17

‹Ee! Anannganman Nyanmiɛn kpli, ɔ wunmiɛn dan'n nin ɔ ngwlɛlɛ'n yɛ man a kwla yili nyanmiɛn'n bɔ la nglo lɔ plaii'n nin asiɛ nin-ɔn, like fi ti-man klekle ɔ nyrun.

Zeremi 34:6

Nyanmiɛn nuan ijɔfuɛ Zeremi ko kannin ndɛ sɔ'n kwlaa kleli famiɛn Sedesias Zerizalɛm lɔ.

Zeremi 4:10

Be ´se kɛ: «Aa! Anannganman Nyanmiɛn w'a se-man e kɛ: ‹Amún wun ´jɔ amun fɔun'n›, kannzu lakalɛ yɛ a lakali nvle nga nunfuɛ nin Zerizalɛmfuɛ mun-ɔn. ?Yɛ ɔ yo sɛ yɛ alɛ'n ɔ'a di ye mlɔnmlɔn sa-a?»

Ezekiɛl 4:14

Yɛ n seli kɛ: «Ee! Anannganman Nyanmiɛn, n nian di-man like fiɛn le. Kɛ ɔ fɛ i min kaan nun lele b'ɔ ´fa ju yɛ'n, n nian di-man nnɛn ng'ɔ wuli i sa su annzɛ nga i wiengu nnɛn wie kunnin i'n le. Like fiɛn'n i wie nian wlu-man mín nuan nun le .»

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»