Zeremi 1:2 - NYANMIƐN NDƐ'N 1998

² Anannganman kannin ndɛ kleli i famiɛn Zozias i sielɛ'n i afuɛ blu-nin-nsan'n su. Amɔn b'ɔ ti Zida famiɛn'n i wa yɛlɛ Zozias.

Zeremi 1:2 ပူးပေါင်းရင်းမြစ်များ

1 Famiɛn Mun 13:2

Yɛ ɔ kannin ndɛ nga Anannganman fa wlɛli i nuan kɛ ɔ kɛn i sraka yiwlɛ'n i wun kɛ sran sa nin-ɔn. I waan: «Sraka yiwlɛ! Sraka yiwlɛ! Tie ndɛ nga Anannganman kan'n. I waan: ‹Be wa wu ba kun David osu'n nun, be ´flɛ i kɛ Zozias. Ba sɔ'n, sraka yifuɛ nga be yi tɛ ɔ́ su'n, ɔ ´fa be bɔbɔ yi tɛ ɔ́ su. Yɛ be wa yra sran owie ɔ́ su.› »

1 Famiɛn Mun 13:20

Kɛ be ti tabli'n sin be ´di like'n, Anannganman kannin ndɛ kleli i nuan ijɔfuɛ ng'ɔ ko fali kun'n bali'n.

2 Famiɛn Mun 21:18

Manase wuli. Be sieli i i sua'n wun lɛ fie'n nun. Be flɛ fie sɔ'n kɛ Iza i fie. Yɛ i wa Amɔn sinnin i osu-ɔ.

2 Famiɛn Mun 21:24

Zidafuɛ'm be kusu be kunnin be kwlaa nga be cicili famiɛn'n i wun ndɛ'n, nan b'a fɛ i wa Zozias b'a sie i ja nun.

2 Famiɛn Mun 22:3

Kɛ Zozias yoli famiɛn'n, i afuɛ blu-nin-mɔcuɛ'n su'n, ɔ sunmannin i fluwa klɛfuɛ'n Nyanmiɛn i sua'n nun lɔ. Be flɛ i kɛ Safan, ɔ ti Mɛsilam i wa Azalia i klun ba. Kɛ ɔ ´sunmɛn i'n, ɔ seli i kɛ:

Zeremi 1:11

Anannganman'n usali min kɛ: «?Zeremi, nguɛ yɛ a wun i-ɔ?» Min waan: «N wun Amandie sama kun.»

Zeremi 1:4

Anannganman'n kannin ndɛ kleli min. I waan:

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 28:12

Kɛ Nyanmiɛn nuan ijɔfuɛ Anania deli be kɔmin su waka ng'ɔ o Nyanmiɛn nuan ijɔfuɛ Zeremi i kɔmin su'n b'ɔ buli nun'n, Anannganman'n kannin ndɛ kleli Zeremi. Ɔ seli i kɛ:

Zeremi 3:6

Famiɛn Zozias i blɛ su'n, Anannganman'n seli min kɛ: «?A wun sa nga Izraɛl b'ɔ ti kɛ bian safuɛ'n sa'n, ɔ yo'n? Ɔ lɛ-man oka kun ng'ɔ fu-man su-ɔ, ɔ lɛ-man waka b'ɔ lɛ nnya b'ɔ kɔ-mɛn i bo ko bo-man tekle-ɔ .

Zeremi 36:2

«Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Ndɛ Nga Nyanmiɛn I Nuan Ijɔfuɛ Oze Kannin'n 1:1

Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

Zoɛl 1:1

Ndɛ nga bɔ Anannganman'n fa wlɛli Pɛtiɛl i wa Zoɛl i nuan kɛ ɔ kan'n yɛ:

Zonas 1:1

Cɛn kun Anannganman kannin ndɛ yɛ'n kleli Amitai i wa Zonas. Ɔ seli i kɛ:

Mise 1:1

Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Sofoni 1:1

Ndɛ nga Anannganman kan kleli Sofoni'n yɛ ɔ o yɛ. Ezekias wa Amaria i wa liɛ Gɛdalia, i kusu wa liɛ Kisi i klun ba yɛlɛ Sofoni. Zida famiɛn Zozias bɔ i si yɛlɛ Amɔn'n, i blɛ su yɛ Nyanmiɛn kannin ndɛ sɔ'n kleli Sofoni-ɔ.