Zeremi 1:19 - NYANMIƐN NDƐ'N 1998

¹⁹ Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 1:19 ပူးပေါင်းရင်းမြစ်များ

Jue Mun 129:2

«Kɛ ɔ fin min kaan nun lele'n, blɛ sunman be kleli min yalɛ» sanngɛ b'a kwla-man min.

Zeremi 1:18

Ɔ fin ndɛ, n ´yo man a ´yo cinnjin kɛ klɔ bɔ b'a si i wun'n sa. A ´yo kekleke kɛ blalɛ mlomlo wie sa. A ´yo kɛ aaba talɛ sa mɛn'n nunfuɛ'm be kwlaa be lika: i Zida famiɛn mun o, be awlo lɔ sran dandan mun o, i Nyanmiɛn nuan ijɔfuɛ mun o, ɔ nin mɛn nga nunfuɛ'm be kwlaa .

Zeremi 1:8

Nán yo srongble sran fi nyrun, afin n jin ɔ sin, n ´de wɔ.» Anannganman'n yɛ ɔ kan sɔ-ɔ.

Zeremi 11:19

Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 2:1

Anannganman'n kaleli min kɛ:

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 26:8

Kɛ Zeremi wieli ndɛ nga Anannganman'n fa wlɛli i nuan kɛ ɔ `kan kle sran'm be kwlaa'n kan cɛ'n, yɛ be trɛli i-ɔ. Be waan: «A wuli yɛ a o lɛ! A wuli yɛ a o lɛ!

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Zeremi 39:17

Sanngɛ n ´de wɔ, be su tra-man wɔ wla-man be bɔ a sro be'n be sa nun. M bɔbɔ min Anannganman'n yɛ n kan sɔ-ɔ.

Zeremi 42:11

Amun `yaci Babilɔni famiɛn'n i srolɛ. M bɔbɔ min Anannganman'n yɛ n kan kle amun-ɔn. Nan an sro i, afin n jin amun sin. N ´de amun, n ´de amun i sa nun.

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Daniɛl 3:25

Yɛ ɔ seli be kɛ: «Sanngɛ n wun sran nnan sin'n nun lɔ. Nyanman fi ci-man be yɛ be su wlan-wlan sin'n nun. Like fi yo-man be. Sran ng'ɔ tian be su nnan'n, kɛ a wun i sa'n, ɔ waan Nyanmiɛn su lɔ sran-an .»

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Sa nga bé yôli'n 26:17

M ´ma de wɔ Zuif mun nin be nga be ti-man Zuif'n bɔ m ma sunman wɔ bé sin'n bé sa nun .

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»