Zeremi 1:18 - NYANMIƐN NDƐ'N 1998

¹⁸ Ɔ fin ndɛ, n ´yo man a ´yo cinnjin kɛ klɔ bɔ b'a si i wun'n sa. A ´yo kekleke kɛ blalɛ mlomlo wie sa. A ´yo kɛ aaba talɛ sa mɛn'n nunfuɛ'm be kwlaa be lika: i Zida famiɛn mun o, be awlo lɔ sran dandan mun o, i Nyanmiɛn nuan ijɔfuɛ mun o, ɔ nin mɛn nga nunfuɛ'm be kwlaa .

Zeremi 1:18 ပူးပေါင်းရင်းမြစ်များ

Ezai 50:7

Anannganman Nyanmiɛn ukali min, i ti min nyin a gua-man ase. N trali min anwlɛn kekle kpa. N si kɛ nyannzuɛn su kun-man min.

Zeremi 1:17

Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Zeremi 1:19

Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 15:10

Ee! ?Min mmo, ɔ yo sɛ yɛ man a wuli min b'ɔ m'an wun nyrɛnnɛn sa-a? Mɛn'n nun sran'm be kwlaa be yi min blo, be klo-man min sa, be nin min lɛ i. N nian bo-man sran bosia le, kusu n nian usa-man kɛ sran bo min bosia le, sanngɛ sran kwlaa kpɛ min nzowa.

Zeremi 15:20

N ´yo wɔ kɛ aaba talɛ dan sa. Nvle nga nunfuɛ'n be nin wɔ ´kun, sanngɛ be su kwla yo-man wɔ like fi. Afin e nin wɔ e o nun, n ´uka wɔ, n ´de wɔ.» Anannganman'n yɛ o kan sɔ-ɔ.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 26:24

Safan i wa Asikam li yɛ ɔ sasali Zeremi yɛ man b'a fɛ-mɛn i b'a man-man sran'm be kɛ be `kun i-ɔ.

Zeremi 34:3

Ɔ kusu a su fi-mɛn i sa, be ´tra wɔ kplo! Be ´fa wɔ be ´wlɛ i sa nun. A nin Babilɔni famiɛn'n be nyinma nnan'n ´yia nun. Ɔ nin wɔ be ´kan ndɛ, kpɛkuun ɔ ´fa wɔ kɔ Babilɔni.

Zeremi 37:7

«Min Anannganman bɔ n ti Izraɛl Nyanmiɛn'n, n waan yoo: ‹An `ko se Zida famiɛn'n b'ɔ sunmannin amun kɛ amun wa usa min sa'n kɛ yoo: Se kɛ sɛ Ezipt famiɛn i sonja'm bɔ be tuli ajalɛ kɛ be ´ba amun ukalɛ'n, be su sa bé sin be mɛn'n nun.

Zeremi 38:18

Sanngɛ sɛ a fite-man a ko fa-man ɔ wun a wla-man Babilɔni famiɛn'n i awlo lɔ sran dandan'm bé sa nun'n, Babilɔnifuɛ'm be ´fa klɔ'n be ´wɔ nun. Kusu a su fin-man nun fite-man.› »

Zeremi 38:2

«Anannganman'n wan yoo: ‹Sran kwlaa ng'ɔ ka klɔ nga nun wa'n, alɛ'n ´di i. Sɛ alɛ'n ɔ'a di-mɛn i-ɔ, awe'n ´kun i, ɔ ´wu. Sɛ awe'n ɔ'a kun-mɛn i'n, tukpacɛ b'ɔ sa ndɛndɛ'n ´kun i. Sran nga kusu b'ɔ jaso klɔ'n nun wa ɔ fɛ i wun ko man Babilɔnifuɛ mun'n, i wun fouun! I liɛ ng'ɔ ko nyɛn i'n yɛlɛ i nguan'n.› »

Zeremi 42:22

I sɔ'n ti, man amun `si weiin kpa kɛ mɛn nga amu'an wu i ti kɛ amun ´ko fia nun lɔ'n, sɛ alɛ ɔ'a di-man amun'n, awe'n ´kun amun. Sɛ awe ɔ'a kun-man amun'n, tukpacɛ b'ɔ sa ndɛndɛ'n ´kun amun lɔ.»

Zeremi 6:27

«Zeremi, m'an fa wɔ m'an sie min nvle'n nun kɛ sika tɔnfuɛ sa. Sie be wafa'n i nzɔliɛ, yi be nun fiɛn'n kɛ be fa yi sika nun fiɛn'n sa.»

Jean 1:42

Ɔ fɛ i ɔli Jésus wun lɔ. Kɛ Jésus wunnin i'n, ɔ seli kɛ: «Be flɛ wɔ kɛ Simɔn, a ti Zan wa, kɛ ɔ fin ndɛ'n, be ´flɛ wɔ kɛ Sefas bɔ i bo yɛlɛ Piɛr.»

Sa nglô yile 3:12

Sran ng'ɔ kwla'n, n ´fɛ i n yo min Nyanmiɛn i sua'n i kuatrɛn'n kun, be su kaci-mɛn i. Min Nyanmiɛn i dunman'n nin min Nyanmiɛn i klɔ Zerizalɛm uflɛ b'ɔ fin i wun nyanmiɛn su lɔ jra'n i dunman'n, ɔ nin m bɔbɔ n dunman uflɛ'n, n ´fa be n ´klɛ i wun .