Zeremi 1:17 - NYANMIƐN NDƐ'N 1998

¹⁷ Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Zeremi 1:17 ပူးပေါင်းရင်းမြစ်များ

1 Famiɛn Mun 18:46

Anannganman wlali Eli nun wunmiɛn. Eli cili i afiɛn nan ɔ'a wanndi Akab i kakaklolo'n i nyrun lele ɔ'a fa ju Zizreɛl lɔ.

2 Famiɛn Mun 1:15

Yɛ Anannganman i anz kun seli Eli kɛ: «A nin i be wɔ, nán srɛ kun wɔ mlɔnmlɔn.» Yɛ Eli nin i be ɔli famiɛn'n wun lɔ-ɔ.

2 Famiɛn Mun 4:29

Elize seli Geazi kɛ: «Ci ɔ cisu'n, nan fa min kpɔnman'n tra nun nan kɔ. Sɛ a to sran wie atin nun'n, nán yo i like. Sɛ sran wie yo wɔ like'n, nán tɛ i su. Sɛ a ju lɔ'n, fa min kpɔnman'n sie bakan'n i nyrun lika'n su.»

2 Famiɛn Mun 9:1

Le kun Nyanmiɛn i nuan ijɔfuɛ Elize flɛli Nyanmiɛn nuan ijɔfuɛ'm be nun kun. Ɔ seli i kɛ: «Tanndan ɔ́ wun. Fa ngo panndu nga nan kɔ Ramɔt-Galaad.»

Zɔb I Nyrɛnnɛn Wunlɛ 38:3

Siesie ɔ wun ye, jran kekle kɛ yasua sran sa. N wa usa wɔ kosan nan tɛ min su.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 7:2

Ndɛ kwlaa nga n se wɔ kɛ a kan'n, kan kle Aarɔn nan i kusu ɔ kan kle Ezipt famiɛn'n kɛ ɔ ´yo nan ɔ'a yaci Izraɛlfuɛ'm be nun nan b'a wɔ'n ti.

Zeremi 1:18

Ɔ fin ndɛ, n ´yo man a ´yo cinnjin kɛ klɔ bɔ b'a si i wun'n sa. A ´yo kekleke kɛ blalɛ mlomlo wie sa. A ´yo kɛ aaba talɛ sa mɛn'n nunfuɛ'm be kwlaa be lika: i Zida famiɛn mun o, be awlo lɔ sran dandan mun o, i Nyanmiɛn nuan ijɔfuɛ mun o, ɔ nin mɛn nga nunfuɛ'm be kwlaa .

Zeremi 17:18

Min yalɛ klefuɛ mun be yɛ ɔ ti bɔ be wun nyannzuɛn-ɔn, nán min-ɔn. Be yɛ ɔ ti bɔ be klun titi be-ɔ, nán min-ɔn. Yo man nyrɛnnɛn blɛ'n ju, man ɔ tɔ be su. Fa nyrɛnnɛn fa nnyɔn yi be su.

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Zeremi 26:12

Yɛ Zeremi seli famiɛn i awlo lɔ sran dandan mun nin sran nga be o lɛ'm be kwlaa kɛ: «Anannganman'n yɛ ɔ sunmannin min kɛ n `kan sua nga nin klɔ nga bé wun ndɛ nga an tili i lɛ nin-ɔn.

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Zeremi 36:8

Yɛ Barik ´nian nga Nyanmiɛn nuan ijɔfuɛ Zeremi kan kleli i'n su yɛ ɔ ´ko kanngan Anannganman i nuan su ndɛ ng'ɔ ti klɛwa fluwa'n nun Nyanmiɛn i sua nun lɔ-ɔ.

Ngwlɛ Yilɛ 3:57

Kɛ n flɛli wɔ'n, a wunngeli mín wun. A seli min kɛ: «Nán srɛ kun wɔ .»

Zonas 3:2

«Jaso kɔ Niniv, kɔ klɔ dan'n sɔ su lɔ. Ndɛ nga n ´fa wla ɔ́ nuan yɛ'n, bo i ndolo kle lɔfuɛ mun.»

JÉSUS-CHRIST I DYASIN FE'N BO LUC KLELI'N 12:35

«An `tanndan amún wun, an `sɔ amun kannin'n.

Sa nga bé yôli'n 20:20

An si kɛ sa kwlaa b'ɔ ko yo amun kpa'n, m'an fia-man wie fi su amun wun. N kɛn i kwlaa kleli amun, n yiyi nun weiin kleli amun nzra nun nin awlo'm be nun.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

1 Korɛntfuɛ Mun 9:16

Jasin fɛ'n i kanlɛ'n ti-man like bɔ n fa manman min wun-ɔn, afin be sieli n kɛ n kan, ɔ man sɛ n kan-man'n, min wun jɔ-man min.

1 Tɛsalonikfuɛ Mun 2:2

An si kɛ be kleli ye nyrɛnnɛn, be yoli ye finfin Filip lɔ. Kɛ e juli amun wun lɔ'n, e fɛli dan kpa ekun, sanngɛ Nyanmiɛn man e tra e anwlɛn e kɛnnin i jasin fɛ'n kleli amun.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.