Zeremi 1:16 - NYANMIƐN NDƐ'N 1998

¹⁶ Sa tɛ kwlaa nga be yoli'n ti'n bé fɔ nga n kannin kɛ m ´bu be'n, m ´bu, yɛlɛ kɛ be kacili be sin sili min: be yrali ansans mannin amuɛn mun, be bɔbɔ be yoli amuɛn mun, kpɛkuun be bli bé nyin be kotoli be bo.

Zeremi 1:16 ပူးပေါင်းရင်းမြစ်များ

2 Famiɛn Mun 22:17

Ya dan nga n fɛli i klɔ nga wun'n, ɔ ti kɛ sin kun bɔ ɔ'a jue bɔ be kwla nuɛn-mɛn i'n sa. Afin kɛ be kaci be sin sili min, be yrali ansans mannin amuɛn mun, ɔ man be kunnin min ya.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 28:2

Ɔ niannin Izraɛl famiɛn'm be nantilɛ'n su. I liɛ ng'ɔ yoli'n bɔbɔ tratrali su. Ɔ man be fali aaba yoli amuɛn mma mun mannin Baal.

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

Ezai 2:8

Be di-man amuɛn'm be yalɛ bé mɛn'n nun. Be koto ninnge nga be fa bé sa be yi'n be bo. Be su ninnge nga be fa bé sama be yo'n mun.

Ezai 37:19

Be guali lɔ amuɛn'm be sin nun, be wɔli be nun, yɛlɛ kɛ be ti-man Nyanmiɛn, afin sran sa yɛ ɔ yoli be-ɔ, waka ɔ nin yɛbuɛ yɛ be fa yoli be-ɔ.

Ezai 44:15

Yɛ sran'n ɔ trɔ waka sɔ mun. Ɔ fa wie, ɔ kplɛ i nuan tɔn sin. Ɔ trɔ wie fa tɔn kpaun. Yɛ ɔ fa wie yo amuɛn, ɔ koto i bo. Ɔ fa wie sɛ waka sran, ɔ su i.

Ezai 65:3

Sran sɔ'm be klɔklɔ min cɛn kwlaa, be fa fia-man. Be yi sraka be fie'm be su, yɛ be yra ansans sraka yiwlɛ bɔ be fa bliki be yoli'n be su, be yra ansans sɔ'n be fa man amuɛn mun.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 10:3

Nvle kun nga'm be ninnge nga be yo'n ɔ ti finfin like. Be ko kpɛ waka bo nun, ajuin difuɛ'n fɛ i soma'n fa sɛ.

Zeremi 11:12

Zida klɔklɔ'm be sufuɛ mun ɔ nin Zerizalɛmfuɛ'm be ´kpan flɛ be amuɛn nga be yra ansans man be'n, sanngɛ be de be nyrɛnnɛn sɔ nun-ɔn, ɔ su yo-man ye.

Zeremi 11:17

Anannganman b'ɔ sie mɛn wunmuan'n b'ɔ tali amun'n, sa tɛ nga Izraɛlfuɛ mun nin Zidafuɛ'm be yoli'n, ansans nga be yra mannin Baal'n ti ɔ'a siesie kɛ nyrɛnnɛn tɔ amun su.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Zeremi 18:15

Sanngɛ kpɛkuun min nvlefuɛ'm bé wla ɔ'a fi min. Be yra ansans be fa man ninnge finfin mun. B'a yo man b'a yaci be atin'n lɛ. B'a yaci be atin laa'n lɛ. B'a ko fa atin nga b'a yi-man'n.

Zeremi 19:4

Afin be kacili be sin be sili min. Be yoli lele man a wun lika nga-a, a si-mɛn i kun. Be yrali ansans mannin amuɛn wie mun bɔ bé si mun nin Zida famiɛn mun be si-man be laa'n nan se kɛ be bɔbɔ. Sran nga b'a yo-man sa'n, b'a kun be lele be mmoja'n ɔ'a yi lika sɔ'n.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 2:28

?Zidafuɛ mun amuɛn nga amun yili be'n be o nin? Sɛ be kwla de amun'n, man be wa de amun blɛ bɔ nyrɛnnɛn'n tɔ amun su'n. Afin amun amuɛn kpanngban nin amun klɔ mun be nuan'n sɛ.»

Zeremi 4:12

Aunngban sroesroe yɛ m'an sunmɛn i kɛ ɔ fɛ i lɔ bla-a. N wa tu be fɔ siɛn'n.»

Zeremi 4:28

Sɛ n ´kwla se'n, asiɛ'n wo sɛ nun. Nyanmiɛn b'ɔ la nglo lɔ'n plaii'n kusu ɔ'a mlan, yɛlɛ kɛ ndɛ nga n ko kan'n, wuun m'an kan. N sa-man min sin n kaci-mɛn i kun.»

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 5:9

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Zeremi 51:17

Sran'm be kwlaa be yo sinnzin, sa wlɛ bɔ be wun-man'n ti. Ajuin difuɛ nga be yi amuɛn mun'n, be wun nyannzuɛn. Be wun kɛ bé sa nuan like sɔ'n ɔ ti finfin like. Nguan fi nun-man be nun.

Zeremi 7:17

?Like nga be yo i Zida klɔ'm be su'n nin Zerizalɛm akpɔ'm be su'n, ɔ bɔbɔ ɔ́ nyin ta-man nun?

Zeremi 7:18

Nian! Ba kanngan'm be ko isa yie yɛ bé si'm be fa trɔ sin-ɔn. Be nin'm be kusu be fɔtɔ sanmlɛn yɛ be fa tɔn gato be man amuɛn nga be flɛ i Astarte, bɔ i suan dunman yɛlɛ Nyanmiɛn Su Famiɛn Bla nin-ɔn.»

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Ezekiɛl 16:18

A fali ɔ tralɛ nga be dili nun aba mun wlali be, yɛ a fali ngo nin ansans nga n fa mannin wɔ'n a mannin be.

Ezekiɛl 24:14

M bɔbɔ min Anannganman, min yɛ m'an kan-an, san ɔ ´ju, n ´yo, n su kɔ-man min sin, yɛ n su si-man aunnvuɛ, n su koko-mɛn i sin. Kɛ ɔ nzuɛn'n nin wɔ aeliɛ'n be fa ti'n yɛ be ´fa tu wɔ fɔ-ɔ.» Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:2

Sanngɛ kɛ ɔ ´ju kɔ siɛn'n i yɛ'n, kɛ n flɛ i kpa'n, wuun blɛ li yɛ b'a se i kɛ ɔ ´wanndi min-ɔn. Ɔliɛ Baal mun yɛ be yi tɛ be man be-ɔ. Amuɛn mun yɛ be yra ansans be man be-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 8:6

Nannin ba ng'ɔ o lɛ'n, amun bɔbɔ yɛ amun kpɛli i ba-a, ajuin difuɛ'n yɛ ɔ yili-ɔ, ɔ kwla nian-man sran su. I sɔ'n ti Samarifuɛ'm be nannin ba bɔ be fa sika ɔkwlɛ be yoli'n, n wa fufu nun.

Zoɛl 2:11

Kan bɔ Anannganman i alɛ mma'm be sin lɛ'n, ɔ kpan dun mmua be nyrun. Alɛ mma sɔ mun bɔ like nga i waan be `yo'n yɛ be yo'n, be sɔnnin, be kunngba'n be yo sro ekun. Anannganman i cɛn sɔ'n ti kekle kpa, ɔ yo sro. ?Wan yɛ ɔ kwla suɛn i bo-ɔ ?

Sa nga bé yôli'n 7:41

I cɛn sɔ nun'n, be yoli nannin ba kun nan b'a sɔ i. Like sɔ'n bɔ be yoli'n ti'n, be klun jɔli.

Mmla'n 28:20

Like kwlaa nga amun fɛ i ajalɛ kɛ amun ´yo'n, Anannganman ɔ ´fa nyrɛnnɛn, nin afɛ, ɔ nin sannganlɛ ɔ ´yi nun, lele san amun ´wie nunnun sa tɛ yolɛ'n dunman nun nin amun sin bɔ amun kaci sili i'n ti.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Zozie 24:20

Sɛ amun yaci i lɛ be su ninnge wie mun'n, ɔ ´yo amun tɛ. Ɔ ´nunnun amun, ɔ nian-man kɛ ɔ'a yo amun ye sunman'n ti.»

Sa nglô yile 9:20

Sran nga like sroesroe sɔ'm b'a kun-man be'n, b'a kaci-man be nzuɛn'n, yɛ b'a yaci-man like nga be bɔbɔ be yoli'n be sɔlɛ. Be sɔ mmusu mun, nin amuɛn bɔ be fa sika ɔkwlɛ, nin jɛtɛ ufue, nin aaba, nin yɛbuɛ, nin waka be fa yo be'n. Ninnge nga be yo be sɔ'n be wun-man ase, be ti-man sa, yɛ be kwla nanti-man .