Zeremi 1:13 - NYANMIƐN NDƐ'N 1998

¹³ Yɛ Anannganman'n usali min ekun kɛ: «?Nguɛ yɛ a wun i-ɔ?» Min waan: «N wun blalɛ sɛ kun b'ɔ like ng'ɔ o nun'n tu kpuyɔ-kpuyɔ kpa. I nyin'n kaci mɛn'n i nglo lɔ lika'n nun.»

Zeremi 1:13 ပူးပေါင်းရင်းမြစ်များ

Bo Bolɛ 41:32

Kɛ a cɛnnin laliɛ kunngba'n kpɛ nnyɔn lɛ'n, ɔ kle kɛ Nyanmiɛn kaci i-ɔ ɔ yo-man ye, nan ɔ su sisi-mɛn i bo i yolɛ'n nun.

Ezai 55:11

kɛ min ndɛ b'ɔ fin mín nuan fite'n ɔ ti sɔ-ɔ, sɛ ɔ ti sran'n, wuun n ´se kɛ ɔ sɛ-mɛn i sin mín wun wa sa ngbɛn, san ɔ ´yo min klun sa, san ɔ ´yo nga bɔ i ti yɛ n sunmɛnnin i'n.»

Zeremi 24:3

Anannganman'n usali min kɛ: «?Zeremi, nguɛ yɛ a wun i-ɔ?» Min waan: «N wun figie mma wie mun, wie'm be ti kpa. Wie'm be kusu be ti-man kpa mlɔnmlɔn. Be di-ɔ ɔ yo-man ye.»

Ezekiɛl 11:3

Be seli sran'm be kɛ: ‹Nán koko nga nun wa yɛ be ´kplan sua ekun-ɔn. Klɔ'n ti kɛ sɛ sa, yɛ e kusu e ti kɛ nnɛn yɛ b'a fa sie nun sa.›

Ezekiɛl 11:7

I sɔ'n ti Anannganman Nyanmiɛn'n wan yoo: Klɔ'n ti kɛ blalɛ sɛ sa, sran nga amun kunnin be'n be fuɛn mun yɛ be ti i nun nnɛn'n nin-ɔn. Amun liɛ'n, n wa kan amun bo.

Ezekiɛl 12:28

I sɔ'n ti, se be kɛ: ‹Anannganman Nyanmiɛn'n wan yoo: Ndɛ kwlaa nga n kan'n, ɔ su cɛ-man nan i nuan sa'n ɔ'a yo. Min Anannganman Nyanmiɛn yɛ n kan sɔ-ɔ.› »

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Zakari 4:2

Ɔ usa min kɛ: «?Nguɛ yɛ a wun i-ɔ?» Yɛ n waan: «Kannin siewlɛ b'ɔ ti sika ɔkwlɛ yɛ n wun i-ɔ. Kannin sɛ kun wo i ti su nglo, kpɛkuun kannin nso jinjin i ti su nglo lɔ wie, i kannin nzue sinsinwlɛ'n ti nso .