Zeremi 1:1 - NYANMIƐN NDƐ'N 1998

¹ Ndɛ nga Zeremi kannin'n yɛ ɔ o yɛ. Bɛnzamɛn nvle'n nun lɔ klɔ nga be flɛ i kɛ Anatɔt'n, lɔ Nyanmiɛn nyrun jranfuɛ'm be nun kun bɔ be flɛ i kɛ Ilkiza'n i wa yɛlɛ Zeremi.

Zeremi 1:1 ပူးပေါင်းရင်းမြစ်များ

1 Famiɛn Mun 2:26

Famiɛn'n seli Abiatar b'ɔ ti Nyanmiɛn nyrun jranfuɛ'n kɛ: «Kɔ Anatɔt ɔ lika'n nun lɔ. A nin wulɛ fata, sanngɛ be su kun-man wɔ ndɛkɛn, afin a suali Anannganman i alaka'n mín si i blɛ su, yɛ kusu afɛ kwlaa nga min si fɛli'n, a nin i yɛ be fɛli-ɔ. »

1 Be Nyoliɛ 6:60

Ikɔk nin lika nga be o i asa'n su'n, Rɛɔb nin lika nga be o i asa'n su'n,

2 Be Nyoliɛ 35:25

Zeremi b'ɔ ti Nyanmiɛn nuan ijɔfuɛ'n kpɛli Zozias wulɛ'n su jue. Jue tofuɛ yasua mun nin bla mun be kannin Zozias wun ndɛ be sɛ jue'm be nun lele ɔ'a fa ju ndɛ. Ɔ kacili be nzuɛn Izraɛl mɛn'n nun. Be klɛli jue sɔ mun sɛ jue fluwa'n nun .

2 Be Nyoliɛ 36:12

Ɔ yoli sa nga be yo-man Anannganman fɛ'n. Kɛ Zeremi b'ɔ ti Nyanmiɛn nuan ijɔfuɛ'n kannin Nyanmiɛn nuan su ndɛ mun kleli i'n, ɔ'a kɛn-mɛn i wun ase.

2 Be Nyoliɛ 36:21

Nyanmiɛn nuan ndɛ nga Zeremi kannin'n, kɛ ɔ kpɛnnin su kɛ ng'ɔ o lɛ'n sa. Ɔ kannin kɛ: «Mɛn'n ´ka lɛ ngbɛn lele afuɛ ableso. Kɛ ɔ ´yo sɔ'n, wuun asiɛ'n ´de wunmiɛn kɛ ɔ fata'n sa blɛ'n kwlaa sɔ'n nun .»

Ɛsdras 1:1

Kɛ Siris b'ɔ ti Pɛrs mɛn'n i famiɛn'n, ɔ trannin bia'n su'n, i afuɛ klikli nun'n, Anannganman waan ɔ ´yo nan ndɛ ng'ɔ fa wlɛli i nuan ijɔfuɛ Zeremi nuan kɛ ɔ kan'n, i nuan ɔ `yia. Ɔ dili junman famiɛn Siris i akunndan'n nun . Ɔ suli i bo man ɔ boli ndɛ kun jɔ sinnin kan ɔ sie ju lɛ'n i lika'n kwlaa. I sin ɔ klɛli fluwa nannannin su. Ɔ klɛli i kɛ

Ɛsdras 2:23

Anatɔt klɔ'n sufuɛ'm be ti sran ya sran ablaɔn-nin-mɔcuɛ.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 10:30

Galimfuɛ mun, amun `kpan! Laisfuɛ mun, amun `nian amún wun. Anatɔtfuɛ mun, amun yako!

Ezai 2:1

Amɔz i wa Ezai i aolia nun like ng'ɔ wunnin i'n, b'ɔ ti Zida nvle'n nin Zerizalɛm klɔ'n bé wun ndɛ'n.

Zeremi 11:21

Ɔ man Anatɔtfuɛ mun bɔ be kunndɛ kɛ n wu'n bɔ be waan: « Nán kan Anannganman'n i nuan ndɛ'n, ɔ'a yo-man sɔ-ɔ, e ´kun wɔ'n,»

Zeremi 29:27

?Yɛ ɔ yo sɛ yɛ man Zeremi b'ɔ ti Anatɔtfuɛ'n b'ɔ se i wun kɛ ɔ ti Nyanmiɛn nuan ijɔfuɛ'n ɔ nin amun o lɔ-ɔ? ?Ɔ yo sɛ yɛ man ɔ blɛli ye fluwa Babilɔni wa b'ɔ kɛnnin i nun kɛ:

Zeremi 30:1

Anannganman'n kannin ndɛ ng'ɔ o yɛ'n kleli Zeremi. I waan:

Zeremi 37:12

Zeremi fɛli i lɛ ɔli Zerizalɛm Bɛnzamɛn akpasua'n su lɔ, kɛ ɔ yo sɔ'n, wuun be su cɛ be awlo bo asiɛ'n yɛ ɔ kɔ nan ɔ ko fɛ i liɛ lika'n.

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Amɔs 7:10

Amazia b'ɔ ti Betɛl lɔ Nyanmiɛn nyrun jranfuɛ'n ɔ ko mannin Zeroboam ngaliɛ kɛ yoo: «Amɔs kunndɛ kɛ ɔ ´yi wɔ ase Izraɛl nvle'n nun, ndɛ ng'ɔ kan be'n, e mɛn nunfuɛ'm be su kwla yaci cɛ-mɛn i .

Matthieu 16:14

Be tɛli su kɛ: «Sran wie'm be waan Zan batɛm yofuɛ'n yɛlɛ wɔ, wie'm be waan Eli yɛlɛ wɔ, wie'm be kusu be waan Zeremi, annzɛ Nyanmiɛn nuan ijɔfuɛ'm be nun kun yɛlɛ wɔ.»

Matthieu 2:17

I sɔ'n ɔ kpɛnnin ndɛ nga Nyanmiɛn nuan ijɔfuɛ Zeremi kannin'n su, ɔ seli kɛ:

Matthieu 27:9

I sɔ'n ɔ kpɛnnin Nyanmiɛn nuan ijɔfuɛ Zeremi i ndɛ'n su, afin ɔ seli kɛ: «Jɛtɛ ufue ablasan b'ɔ ti sran nga be dili i gua'n i sika'n, be fa toli sɛ ufuɛ'n i asiɛ'n kɛ e Min Nyanmiɛn'n kan kleli min kɛ n yo'n sa. Afin kɛ sran kun i gua bɔ Izraɛlfuɛ'm be kpɛli'n ɔ ti sɔ-ɔ .»