Zakari 9:9 - NYANMIƐN NDƐ'N 1998

⁹ Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Zakari 9:9 ပူးပေါင်းရင်းမြစ်များ

1 Famiɛn Mun 1:38

Yɛ Zadɔk b'ɔ ti Nyanmiɛn nyrun jranfuɛ'n, nin Natan b'ɔ ti Nyanmiɛn i nuan ijɔfuɛ'n, nin Zɛozada i wa Bɛnaza, ɔ nin Keretfuɛ mun nin Pelɛtfuɛ mun bɔ be ti famiɛn'n i gladi difuɛ mun'n be ko toli Salomɔn-ɔn. Be fɛ i fuli famiɛn David i milɛ bla'n su nan b'a fɛ i b'a ɔ Giɔn nzue ti'n i su lɔ.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 45:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Yasua nin bla bé wun klolɛ jue-ɔ. Kɛ be ´to'n, be bo gitar. Be waan:

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 30:6

Mɛn i ngua lɔ nnɛn'm bé wun ndɛ. B'a fa anyanbeun ninnge mun b'a sua aflunmun mun, b'a fa ninnge kpakpa mun b'a sua nyɔnngɔnmɛn mun, be su fa ko man sran'm bɔ be su kwla uka-man be'n. Nyrɛnnɛn, nin awlaboɛ lika'n, b'ɔ ti asɔmɔli bla, nin asɔmɔli yasua, nin ɔnda, ɔ nin dragɔn ng'ɔ tu'n be lika'n, lɛ yɛ be sin-ɔn.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 43:11

Min-ɔn, min kunngba cɛ yɛ n ti Anannganman nin-ɔn, defuɛ wie fi nun-man mín sin kun.

Ezai 43:3

Afin n ti Anannganman amun Nyanmiɛn, n ti Izraɛl Nyanmiɛn, min yɛ n de amun-ɔn. N ´fa Eziptfuɛ mun m ´man kɛ amún ti kpɔlɛ like sa. N ´fa Etiopifuɛ mun nin Sebafuɛ mun n ´kaci amun.

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ezai 52:7

Kɛ jasin fɛ bofuɛ'n ɔ fin oka'm be su lɔ ba'n, i ja'm be yo nyɛnmɛn o! Ɔ kan aunjuɛ'n i ndɛ, ɔ kan sran'm be delɛ'n i ndɛ. Ɔ se Siɔnfuɛ'm be kɛ: «Amun Nyanmiɛn'n yɛ ɔ ti famiɛn nin-ɔn !»

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 62:11

Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»

Zeremi 30:9

Sran nga be ´su i'n yɛlɛ min Anannganman bɔ n ti be Nyanmiɛn'n, ɔ nin David bɔ n ´fa sie be su famiɛn'n.»

Ezekiɛl 21:32

Sacilɛ nga be flɛ i sacilɛ'n yɛ ɔ wa ba lɛ-ɔ. N ´yo man Zerizalɛm saci. Zerizalɛm klɔ wunmuan'n ɔ ´saci. Sanngɛ san sran nga n ´kpɛ i kɛ ɔ nin i be nyɛn i'n, ɔ ´ba nan i sɔ sa'n ɔ'a ju .»

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Mise 4:8

Zerizalɛm kpɔlɛ, wɔ bɔ a ti kɛ min nnɛn'm be sasawlɛ lika sa'n, ɔ ka kaan a ´sa ɔ sin ´sie mɛn'n ekun kɛ laa'n sa. Zerizalɛm ɔ ´sɛ sin ´yo famiɛn klɔ ekun.»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Zakari 2:10

Anannganman wan yoo: «Amun bɔ n fuannin amun n sieli asiɛ'n i cɔnjɔ nnan'm be su'n, an `wanndi mɛn i nglo lɔ lika'n nun be bla.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Matthieu 2:2

be usali kɛ: «?Zuif'm be famiɛn'n bɔ be wuli i icra'n ɔ o nin? Afin e wunnin i nzraama'n wia afiliɛ lɔ, yɛ e bɛli i sulɛ-ɔ .»

Marc 11:7

Be fa aflunmun'n ko mannin Jésus, be fa bé tannin mun sɛsɛli i su, yɛ Jésus trannin su-ɔ.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 19:15

Sanngɛ be kpan seli kɛ: «Be `kun i! Bobo i waka'n su!» Pilat usali be kɛ: «?M `bobo amun famiɛn'n?» Nyanmiɛn nyrun jranfuɛ dandan'm be seli kɛ: «E lɛ-man famiɛn uflɛ fi san Sezar kunngba cɛ.»

Jɔlɛ Difuɛ Mun 10:4

Ɔ wuli ba yasua ablasan. Be lɛ be aflunmun ablasan yɛ be fu su-ɔ. Be lɛ klɔ ablasan Galaad nvle'n nun lɔ. Lele ndɛ be tɛ flɛ be kɛ Zair klɔ.