Zakari 9:8 - NYANMIƐN NDƐ'N 1998

⁸ Alɛ kunfuɛ nga be sin'n, be ti n ´sasa min mɛn'n. Sran fi sa su yo-mɛn i nunfuɛ'm be tɛtɛ kun, afin mín nyin o be su siɛn'n.»

Zakari 9:8 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

2 Famiɛn Mun 19:34

M bɔbɔ min dunman'n ti, ɔ nin min sufuɛ David ti, n ´sasa klɔ nga, yɛ n ´de i nun sran mun.› »

2 Famiɛn Mun 23:29

I blɛ su'n, Ezipt famiɛn'n bɔ be flɛ i Neko'n fɛli i alɛ mma mun ɔli Efrat nzue ba'n i bue liɛ'n su lɔ Asiri famiɛn'n i ukalɛ. Famiɛn Zozias ɔli ko buli i nyrun Megido lɔ. Kɛ Ezipt famiɛn'n wunnin Zozias cɛ'n, yɛ ɔ kunnin i-ɔ.

2 Famiɛn Mun 24:1

Zozakim blɛ su'n, Nɛbikadnɛzar b'ɔ ti Babilɔni famiɛn'n nin i sonja'm be fali Zida mɛn'n, nan Zozakim ɔ'a su i afuɛ nsan. I sin'n Zozakim jasoli famiɛn'n i wun.

Jue Mun 34:7

Sɛ yalɛfuɛ wie kpan flɛ Anannganman'n, ɔ ti, yɛ ɔ man nyrɛnnɛn ng'ɔ o i su'n ɔ wie.

Jue Mun 72:4

Man famiɛn'n bu yalɛfuɛ'm be ndɛ mun i atin su kɛ ɔ fata'n sa. Man ɔ de nyrɛnnɛnfuɛ mun. Man ɔ nunkun be bɔ be kle sran'm be yalɛ'n.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 3:9

N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Nyanndra Mun 3:25

Sɛ ɔ wie sa kekle wie yɛ ɔ fu wɔ nun'n, nán srɛ kun wɔ. Sɛ klunwifuɛ yɛ ɔ nin wɔ be nyɛn i'n, nán srɛ kun wɔ.

Ezai 26:1

I cɛn sɔ nun'n, be ´to jue ng'ɔ o yɛ'n Zida mɛn'n nun. Be ´se kɛ: «E lɛ klɔ kun bɔ be sili i wun'n kpa. Anannganman i delɛ b'ɔ de ye'n, ɔ ti kɛ talɛ nnyɔn sa yɛ be si klɔ'n i wun-ɔn.

Ezai 31:5

Kɛ anunman'm be fa be ndɛwa'n kata be mma'm be su'n, i kunngba nin-ɔn, Anannganman b'ɔ sie mɛn wunmuan'n, ɔ ´kata Zerizalɛmfuɛ'm be su sɔ. Ɔ ´nian be su, yɛ ɔ ´de be, ɔ ´sasa be, yɛ ɔ ´kata be su.

Ezai 4:5

kpɛkuun ɔ ´yo nyanmiɛn ble nin wɛnsrɛn, be ´jran Siɔn oka wunmuan'n nin i sran bɔ b'a yia'm bé ti su nglo lɛ wia'n nun. Kɔnguɛ'n, ɔ ´yo sin b'ɔ jue kpa'n, ɔ ´kpaja be su. Afin Anannganman i nyrun nyannyan'n, ɔ kata be kwlaa be su,

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 52:12

Nán amun kpli fite, nán man ɔ yo kɛ amun su wanndi sa. Afin Anannganman ´dun mmua amun nyrun! Izraɛl Nyanmiɛn'n ɔ ´ka amún sin lɔ ɔ ´sasa amun.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 60:18

Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.

Zeremi 31:12

Be ´bo sro be ´ba Siɔn oka'n su. Be ´wanndi yɛ be ´ba ninnge nga Anannganman'n fa man be'n i falɛ-ɔ, ɔliɛ ble o, nzan lɔflɛ o, ngo uflɛ o, bua o, boli o, nannin o. Be klun'n ´jɔ, be ´yo kɛ fie bɔ nzue tɔ su'n bɔ i su jɔ flɔlɔ'n sa. Be su yo-man kɛ asiɛ b'ɔ su srɛ nzue'n sa.

Zeremi 46:13

Kɛ Babilɔni famiɛn Nɛbikadnɛzar ´ba Ezipt i falɛ'n, ndɛ nga Anannganman'n kan kleli i nuan ijɔfuɛ Zeremi'n yɛ:

Zeremi 46:2

Ezipt liɛ'n yɛ. Ezipt famiɛn'n nga be flɛ i Neko'n i alɛ kunfuɛ'm bé wun jasin-ɔn. I blɛ sɔ nun'n, wuun Ezipt famiɛn Neko kusu wo Karkemis lɔ Efrat nzue ba'n i nuan lɔ. Lɔ yɛ Babilɔni famiɛn Nɛbikadnɛzar i sonja liɛ'm be kwlali Ezipt famiɛn Neko liɛ mun nin-ɔn. Zozias i wa Zozakim i Zida famiɛn dilɛ'n i afuɛ nnan su yɛ ɔ yoli sɔ nin-ɔn .

Ezekiɛl 39:29

N su kaci-man min sin n ko si-man be kun, afin n wa fa min Wawɛ'n m ´man be.» Anannganman Nyanmiɛn yɛ ɔ kan sɔ-ɔ.

Amɔs 9:15

N ´taka min nvle'n i lika laa'n nun. Be su fuan-man min sran mun be asiɛ nga n fa mannin be'n su lɛ kun. M bɔbɔ min Anannganman amun Nyanmiɛn'n, yɛ n kan ndɛ sɔ'n n kle amun-ɔn.»

Zakari 12:4

I sɔ blɛ nun'n, n ´wla nnɛn kpanngɔ'm be srɛ. Kpɛkuun be nga be fu nnɛn kpanngɔ sɔ'm be su'n be ´yo kɛ bé nyin su ɔ'a tu sa. N ´nian Zidafuɛ'm be lika, kpɛkuun n ´si nvle kun nga'm be nnɛn kpanngɔ'm bé nyin mma.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Zakari 14:11

Be ´tran Zerizalɛm lɛ siɛn nin-ɔn be klun su ti-man be kun, be su kɛn-mɛn i nunnunlɛ ndɛ kun .

Zakari 9:7

Nnɛn ng'ɔ wu i sa su'n i nnɛn'n nin amuɛn nnɛn nga be di'n, n ´de i bé nuan nun. Be onga kan nga be ka'n, be ´yo min liɛ. Be ´yo min sran mun kɛ Zidafuɛ'm be sa. Ekrɔnfuɛ'm be ´yo min nvle'n nun sran mun kɛ Zɛbisfuɛ'm be sa.

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Sa nglô yile 20:9

Be sanndili asiɛ'n su lika'n kwlaa, be sin yia Nyanmiɛn sran mun nin klɔ nga Nyanmiɛn klo i'n. Sanngɛ sin fin nyanmiɛn su lɔ tɔli be nun, yɛ ɔ yrali be sekesekeseke .