Zakari 9:4 - NYANMIƐN NDƐ'N 1998

⁴ Sanngɛ e Min'n wa de like sɔ mun, ɔ ´bu klɔ'n i wun talɛ'n guɛ i jenvie'n nun, kpɛkuun ɔ ´to sin yi i klɔ'n nun, sin sɔ'n ´di klɔ'n.

Zakari 9:4 ပူးပေါင်းရင်းမြစ်များ

Nyanndra Mun 10:2

Aeliɛ tɛ trɔ'n, be nyan-man su. Sanngɛ aeliɛ kpa'n man be nguan.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Ezai 23:11

Anannganman mɛnnin i sa'n su jenvie'n su. Ɔ yoli man nvle-nvle'm be kejeli. Ɔ seli Kanaanfuɛ'm be kɛ be `saci be lika kpakpa nga be fia nun mun.

Ezekiɛl 26:17

Be wa yi ɔ su ngwlɛ be se kɛ: ‹Ɔo! Nguɛ sa yɛlɛ nga, klɔ bɔ i dunman ti fuwa'n, bɔ i su sran'm be kwla jenvie'n i sufuɛ mun'n, bɔ sran'm be kwlaa be sro be'n, ɔ nun-man jenvie nuan lɛ kun.

Ezekiɛl 28:16

Wɔ aata dilɛ'n i dan'n ti, a yoli sa kekleekle mun yɛ a yoli sa tɛ. N tuli wɔ min oka'n su lɔ. N kannin ɔ bo, a su tran-man yɛbuɛ nglannglan'm be nun kun.

Ezekiɛl 28:18

Ɔ sa tɛ kpanngban'n nga a yoli be'n nin ɔ ndrunmun nga a dili be aata dilɛ nun'n, i ti a sacili ɔ lika mun. N ´yo man sin kun ɔ ´fin wɔ afiɛn fite ɔ ´yra wɔ. N ´yo man a kaci nzuɛn asiɛ'n su wa. A ´kaci sɔ sran nga be nian wɔ'n be kwlaa be nyrun.

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Ezekiɛl 28:8

Be ´fa wɔ be jrɛ i asieliɛ kunman'n nun. A wa wu nyrɛnnɛn wie jenvie'n nun.

Amɔs 1:10

I sɔ'n ti, n ´fa sin n ´yi Tir klɔ'n nun. I sɔ sin liɛ'n ɔ ´yra klɔ'n su sua nglanman'm be kwlaa.»

Zakari 9:5

Askalɔnfuɛ'm be ´wun i, kpɛkuun srɛ ´kun be. Gazafuɛ'm be kusu, srɛ'n dunman nun ti be wa usu dan. Ekrɔnfuɛ'm be kusu, be su si-man wie se kun, be ´sokpa. Gaza klɔ'n ɔ su nyan-man famiɛn kun, Askalɔn klɔ'n kusu, sran fi su tran-man su kun.