Zakari 9:3 - NYANMIƐN NDƐ'N 1998

³ Tirfuɛ'm be sisili be klɔ'n wun, be tian sika'n nuan kɛ fa sa. Sika ɔkwlɛ'n kusu, ɔ bo kwle kɛ akpɔ su ndutre wie sa.

Zakari 9:3 ပူးပေါင်းရင်းမြစ်များ

2 Samiɛl 24:7

Be sinnin Tir bɔ talɛ si i wun'n su, yɛ be sinnin Evfuɛ mun nin Kanaanfuɛ'm be klɔ laa'm be su. I sin be sinnin Zida nvle'n i ngua lɔ klɔ nga be flɛ i Beɛr-Seba'n su.

1 Famiɛn Mun 10:21

Salomɔn i klowa'm be kwlaa be ti sika ɔkwlɛ. Yɛ i ninnge nga be o «Liban bo'n» nun lɔ'n, atiɛ o, ninnge nga be ti kɛ i kpongbo sa o, be kwlaa be ti sika ɔkwlɛ jrɛiin. Wie fi ti-man jɛtɛ ufue. Salomɔn blɛ su'n, be bu-man jɛtɛ ufue'n i like.

1 Famiɛn Mun 10:27

Salomɔn man Zerizalɛm lɔ sika'n truli kɛ yɛbuɛ sa. Yɛ ɔ man sɛdri waka'n kusu truli kɛ sikomɔr waka'm bɔ be o lika kpɛtɛkplɛɛ nun lɔ'n sa.

Zɔb I Nyrɛnnɛn Wunlɛ 22:24

Yi ɔ sika ɔkwlɛ'n i ase ndutre'n nun. Ɔfir sika ɔkwlɛ'n, to guɛ i nzue ba'n nun yɛbuɛ'm be afiɛn.

Zɔb I Nyrɛnnɛn Wunlɛ 27:16

Sɛ be tian sika nuan kɛ ndutre sa'n, sɛ be tian tralɛ nuan kɛ ufa sa'n,

Zɔb I Nyrɛnnɛn Wunlɛ 3:15

E nin famiɛn i awlo lɔ sran dandan mun nga be lɛ sika ɔkwlɛ, bɔ jɛtɛ ufue'n ɔ'a yi bé sua mun'n, wuun e nin be y'a la-man ndia'n nun diin!

Ezai 23:11

Anannganman mɛnnin i sa'n su jenvie'n su. Ɔ yoli man nvle-nvle'm be kejeli. Ɔ seli Kanaanfuɛ'm be kɛ be `saci be lika kpakpa nga be fia nun mun.

Ezai 23:8

?Wan yɛ man sa nga ɔ'a tɔ Tirfuɛ'm be su-ɔ? Laa, Tirfuɛ'm be fa famiɛn kle be cɛ, be aata difuɛ'm be ti famiɛn i awlo lɔ sran dandan, be ninnge atɛ yofuɛ'm be o be nga be bu be sran asiɛ'n su'n be nun.

Ezekiɛl 26:12

Be ´wua wɔ anyanbeun'n, be ´fɛn wɔ aata ninnge mun. Be ´bubu ɔ talɛ mun, be ´saci ɔ́ sua kpakpa mun. Be ´fa ɔ yɛbuɛ mun, nin ɔ waka mun, nin sua nga be bubuli be'n be buebue'n, ɔ nin ndutre'n, be gua be jenvie'n i afiɛn lɔ.

Ezekiɛl 27:27

Wɔ anyanbeun ninnge mun nin ɔ trɔ mun, ɔ́ bo ninnge'n kwlaa o, sran nga be di ɔ nun junman mun o, wɔ ajuin difuɛ nga be siesie wɔ ye mun o, aata difuɛ nga be to ɔ ninnge mun o, sonja nga be sasa wɔ mun o, sran kpanngban nga be o ɔ nun mun o, blɛ bɔ a mlɔnnin'n, be kwlaa be mlɔnnin wie.

Ezekiɛl 27:33

Kɛ be ´fa wɔ aata ninnge mun jenvie'n nun lɔ be ´ba'n, ɔ man sran kpanngban be nyannin like be toli. Wɔ anyanbeun ninnge kpanngban'n ti, famiɛn nga be o asiɛ'n su be nyannin bé wun.

Ezekiɛl 27:34

Siɛn'n, nian wɔ yɛ jenvie'n su aunngban'n ɔ'a saci wɔ yɛ, ɔ'a wla wɔ ase nzue'n i bunman'n nun lɔ. Ɔ trɔ mun nin ɔ sran nga be di junman ɔ nun'n, be kwlaa be nin wɔ mlɔnnin jenvie'n nun.

Ezekiɛl 28:1

Anannganman seli min kɛ yoo:

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Zozie 19:29

Kɛ ɔ fɛ i lɛ'n, ɔ bli kɔ Rama ɔ nin Tir bɔ be sisili i wun kekleke'n, kpɛkuun ɔ kɔ Oza ndɛnman, ɔ sin Akzib lika'n nun, nin