Zakari 9:1 - NYANMIƐN NDƐ'N 1998

¹ Ndɛ cinnjin yɛ'n, Anannganman'n kan man Adrak lɔ lika'n i nunfuɛ mun. I sɔ ndɛ liɛ'n, ɔ kan man Damas klɔ lɔfuɛ mun kusu, afin nán Izraɛl akpasua'm be ngunmin yɛ be ti Anannganman'n liɛ-ɔ. Klɔ sran'm be kwlaa be ti i liɛ.

Zakari 9:1 ပူးပေါင်းရင်းမြစ်များ

Bo Bolɛ 14:15

Ɔ buli i sufuɛ'm be nun akpasua-akpasua nan ɔ nin be b'a fa alɛ'n b'a wla famiɛn sɔ'm be sin kɔnguɛ nan b'a kwla be. Abram nin i sran'm be suli be su lele juli Sɔba b'ɔ o Damas i nglo lɔ'n su lɔ.

2 Be Nyoliɛ 20:12

?Anannganman e Nyanmiɛn, a su fa-man fɔ ng'ɔ nin be fata'n tu-man be? E lɛ-man wunmiɛn, e kwla jran-man sran kpanngban nga be su ba kɛ be wa fa alɛ wla é sin yɛ'n be nyrun. E si-man like ng'ɔ fata kɛ e yo'n, i sɔ'n ti é nyin ta ɔ nyrun.»

Jue Mun 145:15

Be kwlaa bé nyin wo ɔ́ su. Be lafi su kɛ sɛ be like dilɛ blɛ'n ju'n, a ´man be aliɛ be ´di.

Jue Mun 25:15

N kpɛ mín nyin Anannganman su blɛ'n kwlaa. Sɛ n tɔ aya wie nun'n, i yɛ ɔ yi min-ɔn.

Ezai 13:1

Sa nga Anannganman waan ɔ ´fa wla Babilɔnifuɛ'm be nun'n, bɔ Amɔz i wa Ezai wunnin i, b'ɔ tili'n yɛ:

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Amɔs 3:12

Anannganman'n wan yoo: «Kɛ asɔmɔli tra bua kun'n, i nga bua kankanfuɛ'n kwla de i nuan nun'n, yɛlɛ bua'n i ja nnyɔn, wie kusu-ɔ i sukpɔ nnya'n i bue kan. Sa kunngba sɔ'n yɛ ɔ wa tɔ Izraɛlfuɛ nga be tran Samari'n be su-ɔ. Be bɔ be la bia ndɛnndɛn kpakpa'm be nun'n nin be bɔ be la bɛ fɔkunfɔkun'm be su'n, san be nun kaan sa yɛ be ´nyan bé ti-ɔ.»

Naɔm 1:1

Niniv klɔ'n i wun ndɛ nga bɔ Anannganman fa wlali Naɔm b'ɔ fin Ɛlkɔs, i nuan kɛ ɔ kan'n yɛ. Aolia nun yɛ Nyanmiɛn kan ndɛ sɔ'n kleli i-ɔ.

Zakari 4:10

?Sua yɛ'n, kɛ be ´bo i kplanlɛ bo'n, sran wie'm b'a yi-man bé nyin saa, yɛ b'a sri-mɛn i kplanfuɛ mun? Sanngɛ cɛn nga be ´wun kɛ Zorobabɛl su kplan sua sɔ'n ´kɔ'n, be klun ´jɔ. Nan yoo, kannin nso nga a wun i lɛ'n, Anannganman'n i nyinma mun-ɔn. Ɔ fa wlan asiɛ wunmuan'n su .

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Malasi 1:1

Ndɛ nga Nyanmiɛn fa wlali Malasi nuan kɛ ɔ kan kle Izraɛlfuɛ mun yɛ.