Zakari 8:8 - NYANMIƐN NDƐ'N 1998

⁸ N ´ko fa be lɔ m ´ba nan be wa tran Zerizalɛm. Be ´yo min nvle nunfuɛ, yɛ min kusu n ´yo be Nyanmiɛn. N ´nian be su klun-ufue su klanman.»

Zakari 8:8 ပူးပေါင်းရင်းမြစ်များ

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Zeremi 23:8

sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 24:7

M ´man be ngwlɛlɛ man be si kɛ min yɛ n ti Anannganman nin-ɔn. Sɛ b'a nian-man bɛ nin fama nan be ba min wun mlɔnmlɔn'n, be wa yo min sran yɛ n kusu n ´yo be Nyanmiɛn.

Zeremi 30:22

«Amun wa yo min nvle. N kusu n ´yo amun Nyanmiɛn.»

Zeremi 31:1

Anannganman waan: «I blɛ sɔ nun'n, n wa yo Izraɛl awlobo'm be kwlakwla be Nyanmiɛn. Be kusu be ´yo min sran.»

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 32:41

Kɛ n ´di be nɛnnɛn'n, n ´di i nin aklunjuɛ. N ´tu n klun yo kwlaa nga n ko yo nan b'a taka kpa mɛn nga nun'n.› »

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Ezekiɛl 11:20

kɛ ɔ ´yo nan amu'an fa min mmla bɔ n fa mannin amun be su'n ti. Amun ´kaci min sran, yɛ n ´yo amun Nyanmiɛn.

Ezekiɛl 36:28

Amun ´tran mɛn nga n fa mannin amún nannan mun'n i nun. Amun ´yo min nvle, yɛ n ´yo amun Nyanmiɛn.

Ezekiɛl 36:33

Anannganman Nyanmiɛn wan yoo: «Blɛ nga bɔ n ko wunnzin amún wun sa tɛ'n kwlaa, n ´yo man klɔ'n nun sran'm be wa sɔn ekun, yɛ like kwlaa ng'ɔ sacili'n, be ´yo i uflɛ.

Ezekiɛl 37:25

Be ´tran mɛn nga n fa mannin min sufuɛ Zakɔb i nun, mɛn sɔ'n ɔ wo kan amun nannan'm be trannin lɛ'n. Be mma mun nin be anunman'm be ´tran nun tititi. Min sufuɛ David yɛ ɔ ´ka be su wlengbi tititi-ɔ .

Ezekiɛl 37:27

N ´tran be afiɛn, n ´yo be Nyanmiɛn, yɛ be ´yo min sran mun.

Ndɛ Nga Nyanmiɛn I Nuan Ijɔfuɛ Oze Kannin'n 11:11

Wie'm be ´fin Ezipt yɛ be ´ba-a. Be ´lɔngɔ su be ´ba kɛ anunman mun sa, be ´fin Asiri be lɔngɔ su be ´ba kɛ auble mun sa. «Be ba-a, n ´fa be n ´kɔ be tranwlɛ'm be nun.» Anannganman'n yɛ ɔ kan i sɔ ndɛ nin-ɔn.

Saun Yolɛ 26:12

E nin amun e ´nanti. N ´yo amun Nyanmiɛn, yɛ amun kusu amun ´yo min sran.

Zakari 10:10

N ´fa be Ezipt mɛn'n nun m ´ba, n ´fa be Asiri lɔ m ´ba, n ´fa be m ´ba Galaad nin Liban mɛn'n nun. Sanngɛ lika sɔ'n su ju-man be.

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .