Zakari 8:5 - NYANMIƐN NDƐ'N 1998

⁵ Gbanflɛn mun nin talua kpanngban be wa kan klɔ nun akpɔ'm be nun ngowa ekun.»

Zakari 8:5 ပူးပေါင်းရင်းမြစ်များ

Zeremi 31:12

Be ´bo sro be ´ba Siɔn oka'n su. Be ´wanndi yɛ be ´ba ninnge nga Anannganman'n fa man be'n i falɛ-ɔ, ɔliɛ ble o, nzan lɔflɛ o, ngo uflɛ o, bua o, boli o, nannin o. Be klun'n ´jɔ, be ´yo kɛ fie bɔ nzue tɔ su'n bɔ i su jɔ flɔlɔ'n sa. Be su yo-man kɛ asiɛ b'ɔ su srɛ nzue'n sa.

Zeremi 31:13

Kpɛkuun siɛn'n, talua'm be klun wa jɔ, be ´si able. Gbanflɛn mun nin kpɛnngbɛn'm be ´si able wie. Afin n ´yo man be awlaboɛ'n kaci aklunjuɛ. N fɔnvɔ be man be klunngbɔ'n wie, yɛ be klun ´jɔ.

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Ngwlɛ Yilɛ 2:19

Jaso kɔnguɛ afiɛn. Kpan dɔ'n kwlakwla su. Sun kle ɔ Min'n. Ɔ mma bɔ awe'n i dunman nun ti be su glɔ gua'n su'n, i ti man ɔ́ sa'n su kle Nyanmiɛn, yɛ `srɛ i.

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.