Zakari 7:5 - NYANMIƐN NDƐ'N 1998

⁵ I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Zakari 7:5 ပူးပေါင်းရင်းမြစ်များ

2 Famiɛn Mun 25:23

Sonja'm bé su kpɛn nga b'a fa-man bé wun b'a man-man Babilɔnifuɛ mun'n, be tili i kɛ Babilɔni famiɛn'n ɔ'a sie Gɛdalia kpɛn. Be nin be sonja'm be ɔli Gɛdalia wun lɔ Mizpa lɔ. Be nga be ɔli sɔ'n be dunman mun yɛ: Nɛtania i wa Ismaɛl, nin Kareak i wa Zosanan, nin Tanimɛt b'ɔ fin Nɛtofa'n i wa Sɛraza, yɛ Maakat bian'n i wa Zazania. Be kwlaa sɔ'n, be nin be sran mun yɛ be ɔli-ɔ.

2 Famiɛn Mun 25:25

Sanngɛ afuɛ'n i anglo nso su'n, Elisama i wa Nɛtania i klun ba liɛ Ismaɛl'n, b'ɔ ti famiɛn'n i osu nunfuɛ'n, ɔ fali sran blu ukɛli i bɔbɔ su. Be ɔli Mizpa lɔ be ko kunnin Gɛdalia, nin Zidafuɛ mun, ɔ nin Babilɔnifuɛ nga be nin i be o lɔ'n,

Ezai 43:23

Nán min yɛ amun fali amun bua nga b'a kpɛ cro'n yili tɛ nga be yra be nnɛn'n kɔlikɔli'n mannin min-ɔn. Nán min manmanlɛ ti yɛ amun yili amun tɛ sɔ mun-ɔn. I kusuman m'an mian-man amun kɛ amun man min like, m'an su-man amun su kɛ amun man min ansans.

Ezai 58:3

Sanngɛ be usa min kɛ: «?Sɛ a nian-man ye'n, wuun srɛ nun kpɛlɛ kpa'n ɔ yo nguɛ ye? ?Nguɛ ti yɛ e ´ci aliɛ-ɔ, sɛ ɔ ndɛ nun-man nun'n?» Yɛ n tɛ be su kɛ: «Kɛ amun ´ci nglɛmun'n, amun klun klo ninnge mun yɛ amun yo be-ɔ. Yɛ amun yo amun junman difuɛ'm be tɛtɛ .

Zeremi 25:11

Mɛn nga ´nunnun mlɔnmlɔn. Nvle sɔ'm be kwlakwla be nunfuɛ'm be ´su Babilɔni famiɛn'n afuɛ ableso .›

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 52:12

Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Ndɛ Nga Nyanmiɛn I Nuan Ijɔfuɛ Oze Kannin'n 7:14

Be kpan flɛ min kɛ n wa de be, sanngɛ min flɛlɛ sɔ'n ɔ jɔ-man be klun kpa. Kɛ be la'n, be bu-man be nyinma, be kpli be bɛ'n su kplakplakpla. Be liɛ'n be bu i kɛ, kɛ be bobo bé wun kannin'n yɛ be wa nyan aliɛ be ´di-ɔ, yɛ be ´nyan nzan lɔflɛ be ´nɔn-ɔn. Kusu wuun kɛ ɔ ´yo sɔ'n, wuun e nin be ye afiɛn'n ɔ'a saci.

Zakari 1:12

Yɛ Anannganman i anz'n waan: «Ee! Anannganman, a fali Zerizalɛm klɔ'n nin Zida klɔ'm bé wun ya i afuɛ ableso yɛ. ?Cɛn onin ko nan w'a si be aunnvuɛ?»

Zakari 7:3

Be waan be ´usa Nyanmiɛn nyrun jranfuɛ nin Nyanmiɛn nuan ijɔfuɛ nga be tran Anannganman b'ɔ sie mɛn wunmuan'n i sua'n nun'n be kɛ: «?Sunlɛ nga e sun i anglo nnun'n su'n, ɔ nin nglɛmun nga e ci bɔ e sɔ i yolɛ lele ɔ'a fa ju ndɛ yɛ'n, e ´yo sɔ tititi?»

Zakari 7:4

Ɔ man Anannganman b'ɔ sie mɛn wunmuan'n i nuan toli min.

Zakari 7:6

?I nun bɔ an ´di ndrɔlɔ'n, wuun an ´nɔn i su nzan'n, min yɛ an di be man min-ɔn? ?Min yɛ an nɔn be man min-ɔn?»

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Matthieu 6:16

«Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Matthieu 6:2

I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

2 Korɛntfuɛ Mun 5:15

Ɔ wuli be ngba bé ti, i sɔ'n ti'n, olɛ nga be o lɛ'n, nán be bɔbɔ be olɛ yɛ be wo-ɔ, sanngɛ sran ng'ɔ wuli b'ɔ cɛnnin bé ti'n, i dunman nun yɛ be wo-ɔ.

Kolɔsfuɛ Mun 3:23

Like kwlaa nga amun ´yo'n, an `tu amun klun yo i kɛ e Min'n yɛ an su yo mɛn i sa, nán an bu i kɛ sran yɛ an su yo mɛn i-ɔ.