Zakari 7:2 - NYANMIƐN NDƐ'N 1998

² Betɛlfuɛ'm be sunmannin Sarɛzɛr nin Regɛm-Melɛk nin i sran mun kɛ be ko kpata Anannganman.

Zakari 7:2 ပူးပေါင်းရင်းမြစ်များ

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

Ɛsdras 2:28

Betɛl nin Ai klɔ'm be sufuɛ'm be ti sran ya nnyɔn sran ablaɔn-nin-nsan.

Ɛsdras 6:10

Man be yi tɛ ng'ɔ bɔn fannin'n fa man nglo lɔ Nyanmiɛn'n, nan be srɛ be man famiɛn nin i mma mun.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezai 60:7

Be ´fa Kedar lɔ nnɛn'm be ´ba, be ´tian bé nuan wa, Nɛbazɔt lɔ bua nene'm be ´yo ɔ liɛ. Be ´fa nnɛn sɔ mun ´yi tɛ nga be yra be nnɛn'n kɔlikɔli'n. Be ´yi tɛ sɔ'm min sɔwlɛ'n su. Tɛ sɔ'm be wa jɔ min klun, yɛ n ´yi min nyrun nyannyan'n i nglo mín sua'n nun.

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zakari 6:10

«Andɛ aliɛ ba liɛ nun'n, a wa kɔ Sofoni i wa Zozias i awlo lɔ. Kɔ lɔ nan ninnge nga be o be nga be trali be lomuɛn be sa nun nvle uflɛ nun lɔ'n bɔ be fa mannin Ɛldai, nin Tɔbiza, ɔ nin Zɛdaɛza kɛ be `fa blɛ min'n, sɔ nun. Sran sɔ mun'n, kɛ be ´fin Babilɔni lɔ be ´ba'n, lɛ yɛ be wluli-ɔ.

Zakari 8:21

Klɔ kun sufuɛ'm be ´se be wiengu klɔ uflɛ sufuɛ'm be kɛ: ‹Amun `bla, e su ko srɛ Anannganman b'ɔ sie mɛn wunmuan'n e ´fa e wun ´mɛntɛn i.› Kpɛkuun be ´tɛ be su kɛ: ‹Man e wɔ.›

1 Samiɛl 13:12

Yɛ n waan: ‹Mín wun nian yo-man Anannganman fɛ yɛ Filistifuɛ'm be su wa to min Gilgal wa yɛ. Yɛ n waan: B'ɔ ti sɔ'n, n ´yi tɛ'n.› »