Zakari 7:14 - NYANMIƐN NDƐ'N 1998

¹⁴ N kannin be bo n guɛli i nvle nga be bɔbɔ be si-man nun laa'n be nun. Be mɛn'n tɔli bliin, sran fi kɔ-man lɔ, yɛ sran fi fin-man lɔ ba-man. Be bɔbɔ be yoli man be mɛn sɔ'n bɔ i nun yo-man fɛ ngowa'n, ɔ kali lɛ ngbɛn.»

Zakari 7:14 ပူးပေါင်းရင်းမြစ်များ

2 Be Nyoliɛ 36:21

Nyanmiɛn nuan ndɛ nga Zeremi kannin'n, kɛ ɔ kpɛnnin su kɛ ng'ɔ o lɛ'n sa. Ɔ kannin kɛ: «Mɛn'n ´ka lɛ ngbɛn lele afuɛ ableso. Kɛ ɔ ´yo sɔ'n, wuun asiɛ'n ´de wunmiɛn kɛ ɔ fata'n sa blɛ'n kwlaa sɔ'n nun .»

Jue Mun 58:9

Man be yo kɛ buye kanngan bɔ kɛ be ´nanti be ´kɔ'n, wuun be ´wu kee'n sa. Man be yo kɛ ba bɔ be ´wu i-ɔ, ɔ'a wu i nin klun sa, nán man be wun wia'n wun kun le.

Ezai 17:13

Sran kaka sɔ'n be nganniɛn'n ɔ klu kɛ nzue dan wie yɛ ɔ su bo sa. Anannganman wlanwlan be, yɛ be wanndi kɔ mmua. Be kɔ kɛ oka'm be su lɔ ijre'n bɔ aunngban'n ɔ fita be kɔ'n sa. Be kɔ kɛ ndutre bɔ seke'n ɔ fa kɔ'n sa.

Ezai 21:1

Sa ng'ɔ wa ju jenvie'n i nuan aawlɛ flɛnnɛn'n i su'n. E kpɔfuɛ'm be fin aawlɛ flɛnnɛn'n nun mɛn ng'ɔ yo sro'n i nun lɔ be ba kɛ seke b'ɔ kpɛ b'ɔ sin mɛn'n i ngua lɔ kɔ'n sa.

Ezai 60:15

Sran'm b'a nian-man ɔ nyrun kun, be kpɔli wɔ, b'a nian-man ɔ osu kun. Sanngɛ ɔ su yo-man sɔ kun, n wa yo man be ´fa wɔ di bé nuan cɛn'n kwlaa, yɛ be klun ´jɔ ɔ dunman nun tititi.

Ezai 66:15

Afin amun `nian, Anannganman yɛ ɔ o sin kun nun ɔ su ba yɛ, i alɛ kakaklolo'm be yo kɛ aunngban dan kun b'ɔ su fita'n sa, ɔ wa yi i ya'n i nglo kekle kpa, yɛ ɔ ´fa sin taaman fa yi sa kekle nga i waan ɔ ´fa yo sran mun'n i nglo.

Zeremi 12:10

Nnɛn kankanfuɛ kpanngban kpa b'a saci min vinyi fie'n, b'a tiatia min fie'n su ninnge'm be su. B'a bubu min lika bɔ n klo-mɛn i ngowa'n sɔ flɛnnɛnnɛn.

Zeremi 23:19

Anannganman ɔ'a fa ya kekle kpa, i ya'n ɔ ti kɛ aunngban dan sa. Aunngban dan sɔ'n ɔ kpɛ sin sa tɛ yofuɛ'm bé ti su.

Zeremi 30:23

«Anannganman i aunngban'n su ba kusu, ɔ'a fa ya kekle kpa. I aunngban dan'n ɔ kpɛ sin sa tɛ yofuɛ'm bé ti su.

Zeremi 36:19

Yɛ famiɛn i awlo lɔ sran dandan'm be seli Barik kɛ: «Kɔ nan a nin Zeremi amun ko fia. Nán sran fi wun amun.»

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 5:15

Izraɛlfuɛ mun, an `nian, n wa fa nvle kun m ´ba, i nunfuɛ'm be nin amun ´kun. Ɔ o lɛ nán ndɛ-ɔ, ɔ ti kekle kpa. Nvle sɔ'n wo mmua, nvle sɔ'n, an ti-man i nunfuɛ'm be aniɛn.

Zeremi 52:30

Kpɛkuun i afuɛ ablaɔn-nin-nsan'n su'n, i gladi difuɛ'm be kpɛn b'ɔ be flɛ i Nɛbizaradan'n trali Zuif ya nso ablanan-nin-nnun. Be kwlakwla ng'ɔ tra be ɔli'n be ti sran akpi nnan sran ya nsiɛn (4.600).

Ezekiɛl 12:19

Kan kle nvle'n nun sran mun kɛ: ‹Ndɛ nga Anannganman Nyanmiɛn kan kle Zerizalɛmfuɛ nga be kali Izraɛl asiɛ'n su'n be kwlaa'n yɛ: Be ´di be aliɛ'n akluntitiɛ nun, kɛ be ´nɔn be nzue'n, srɛ ´kun be. Yɛlɛ kɛ be mɛn'n wa tɔ srolo, like fi su tran-man nun kun. Be nga be tran nun yɛ'n bé sa kekleekle b'ɔ be yoli i nun'n ti.

Ezekiɛl 22:15

N wa yo man amun bo ´sanndi nvle-nvle'm be nun. Yɛ n ´yo man fiɛn'n ɔ ´wie amun nun.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Daniɛl 8:9

I wɛ kaan kpa kun fifili laa liɛ sɔ'm be nun kun nun, ɔ trɛ ɔli ngua bue liɛ'n su lɔ nin wia afiliɛ bue'n su lɔ, ɔ nin mɛn klanman kpa'n i bue liɛ'n su lɔ.

Ndɛ Nga Nyanmiɛn I Nuan Ijɔfuɛ Oze Kannin'n 9:17

Min Nyanmiɛn ɔ wa yi be man gua, b'a tie-mɛn i nuan nun ndɛ'n ti ɔ wa yi be man gua. Wlan-wlanlɛ finfin'n sa yɛ be wa wlan-wlan mɛn uflɛ'm be nun-ɔn.

Zoɛl 2:3

Like kwlaa nga be to i'n, be saci i, kpɛkuun bé sin wa lika wlolo'n ngbɛn yɛ ɔ ka lɛ kɛ sin wie bɔ ɔ'a yra lika ɔ'a sin'n sa. I blɛ nga bɔ be nian sin-man'n, asiɛ'n su lika'n ɔ ti bo kɛ Edɛni liɛ'n sa. Sanngɛ kɛ be sinnin'n, be sin wa'n ɔ yoli nyrɛnnɛn ngbɛn. Afin lika ng'ɔ kali bé sin, ɔ yoli kɛ aawlɛ flɛnnɛnnɛn sa. B'a yaci-man like fi lɛ.

Saun Yolɛ 26:22

N ´fa blo nnɛn mun n gua amun nvle'n nun be ´kun amun mma mun, yɛ be ´kun amun nnɛn mun. Kɛ ɔ ko yo sɔ'n, kpɛkuun amun ´ka kaan, yɛ amun atin mma'm be ´tɔ srololo.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Amɔs 1:14

N ´fa sin n ´yi be klɔ Raba'n nun, i sɔ sin liɛ'n ɔ ´yra klɔ'n su sua nglanman mun. Kɛ ɔ ´yo sɔ'n, wuun sran'm be ´kpan alɛ kpanlɛ. Alɛ kunlɛ cɛn'n nun'n, aunngban dan kun ´fita kɛ nzue su tɔ nan aunngban dan su fita sa.

Naɔm 1:3

Anannganman fa-man ya ndɛndɛ, i wunmiɛn'n ti dan. Sran ng'ɔ yo sa tɛ'n, ɔ yaci-mɛn i lɛ ngbɛn. Kɛ ɔ ´sin'n, aunngban dan kun fita, ndutre ng'ɔ ´nanti-ɔ ɔ tu'n, sɛ e ´kwla se'n, yɛlɛ nzue ng'ɔ mlan'n .

Abakik 3:14

E kpɔfuɛ'm bé su kpɛnngbɛn nga be ´kpla be ´ba sa'n, a ´se kɛ aunngban dan wie yɛ ɔ su fita-a. Kɛ be ´ba'n, wuun be ´kpan aklunjuɛ kpanlɛ'n be ba kɛ be wa keje e nun. Be ´ba'n, be buabua bé wun kɛ be ´fia be ´kun ye, sanngɛ a de be bɔbɔ bé sa nun ta mma mun fa fitifiti bé ti'n.

Sofoni 3:6

«N nunnunnin nvle wie mun mlɔnmlɔnmlɔn, be sasawlɛ sua mun bɔ be ti nglo sua'n, bɔ be o klɔ'm be cɔnjɔ'm be su'n, m bubuli be. Be akpɔ'm be tɔli srololo, m bubuli be klɔ mun, sran fi ijɔ-man be su kun.

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Zakari 8:1

Anannganman b'ɔ sie mɛn wunmuan'n kannin ndɛ kleli min. I waan:

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Mmla'n 4:27

Anannganman ɔ ´yo man amun ´bo sanndi nvle kun nga'm be nun. Amun ´ka kaan sa mɛn nga Anannganman ´fa amun ´kɔ nun sɔ'n i nun lɔ.