Zakari 7:12 - NYANMIƐN NDƐ'N 1998

¹² Be buli bé su nun waka kpɔ! Mmla nin ndɛ nga Anannganman b'ɔ sie mɛn wunmuan'n i Wawɛ'n fa wlɛli i nuan ijɔfuɛ laa'm bé nuan kɛ be kan'n, be waan nán be yɛ be ko ti-ɔ. Ɔ man i kusu ɔ wa fali ya dan kpa.

Zakari 7:12 ပူးပေါင်းရင်းမြစ်များ

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Zɔb I Nyrɛnnɛn Wunlɛ 9:4

Nyanmiɛn i ngwlɛlɛ'n ɔ lɛ-man sin, yɛ ɔ kwla like kwlaa yo. Sran ng'ɔ jaso i wun'n, Ɔ yaci-mɛn i lɛ, ɔ tu i fɔ.

Ezipt Lɔ Tulɛ'n 7:13

Famiɛn'n i anwlɛn'n keteli ti ɔ'a sie-mɛn i su ndɛ nga Moiz nin Aarɔn be kannin'n i bo. Kɛ Nyanmiɛn dun mmua kɛnnin i sɔ-ɔ.

Ezai 46:12

Amun bɔ amu'an kete'n, bɔ amun nin nanwlɛ'n amun afiɛn'n ɔ'a ti nun'n, amun `tie ndɛ nga n kan'n.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Zeremi 17:1

Zidafuɛ'm bé sa tɛ'n ɔ ti kɛ blalɛ yɛ b'a fa klɛ sa, ɔ ti kɛ diaman kpɛngbɛ yɛ b'a fa klɛ sa, sɛ n ´kwla se, ɔ klɛ be anwlɛn'n nun. Ɔ klɛ be Nyanmiɛn sɔwlɛ like nga be ti kɛ nnɛn wɛ sa'n be su.

Zeremi 17:23

N kan kleli be-ɔ, b'a sie-man be su b'a tie-man, b'a kpɛ-man bé nyin wa nan se kɛ tilɛ yɛ be ´ti-ɔ.›

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zeremi 42:21

E ´niɛn i kwlaa'n su e ´yo.› Andɛ, ndɛ ng'ɔ fa wlali min nuan'n kɛ n kan kle amun'n, n kan-an, nɛ́n i tielɛ yɛ amun ko tie-ɔ nan se kɛ i su falɛ yɛ amun ´fa-a.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ezekiɛl 2:4

Sran bɔ bé nyin su ti kekle bɔ be kan ndɛ kle be-ɔ, be ti-man'n, bé sin yɛ n su sunman wɔ lɛ. Se be kɛ: ‹Anannganman Nyanmiɛn wan yoo.›

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Zakari 1:2

Anannganman waan ɔ `se Izraɛlfuɛ'm be kɛ: «Min Anannganman bɔ n sie mɛn wunmuan n fali ya dan kpa amun nannan'm bé wun. Sanngɛ sɛ an sa amun sin ba min sin'n, n kusu n ´sa min sin m ba amun wun. Yɛ m'an kan m'an kle amun lɛ-ɔ.

Zakari 7:7

?I nun nga bɔ sran ba'n tɛ jin Zerizalɛm'n su, bɔ wuun klɔ nga be mɛntɛn-mɛntɛn i lɛ mun be o be olɛ bliin'n, bɔ sran'm be tɛ o ngua lɔ lika'n nun nin lika kpɛtɛkplɛɛ'n nun lɔ'n, nán ndɛ nga Anannganman fa wlɛli i nuan ijɔfuɛ'm bé nuan laa bɔ be kannin'n yɛ ɔ lɛ-ɔ?

Matthieu 13:15

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma a wun-mɛn i, bé su a ti-man, b'a wun-mɛn i wlɛ, yɛ b'a sa-man bé sin min wun nan m'an yo-man be juejue .›

Marc 4:12

nan kɛ be niɛn i kpa'n, b'a wun-mɛn i, yɛ kɛ be ti i kpa'n, b'a wun-mɛn i wlɛ nan b'a sa-man be sin Nyanmiɛn wun, nan ɔ'a yaci-man bé wun sa'n ɔ'a cɛ-man be .»

JÉSUS-CHRIST I DYASIN FE'N BO LUC KLELI'N 8:12

Awie ng'ɔ tɔli atin mma nun'n, yɛlɛ be nga kɛ be ti Nyanmiɛn ndɛ'n, kpɛkuun mmusu'm bé si Satan'n ba, ɔ wa yo man ndɛ nga be tili'n ɔ mlin be klun nan b'a lafi-man su b'a nyan-man bé ti.

Sa nga bé yôli'n 28:27

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma'n ɔ'a wun-mɛn i, nan bé su'n ɔ'a ti-man, nan b'a wun-mɛn i wlɛ yɛ b'a sa-man bé sin min wun nan m'an yo-man be juejue .›

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.