Zakari 6:3 - NYANMIƐN NDƐ'N 1998

³ i nsan su'n i liɛ'm be ti ufue-ufue, yɛ i nnan su'n i liɛ'm be ti nzuɛn-nzuɛn tata nun.

Zakari 6:3 ပူးပေါင်းရင်းမြစ်များ

Bo Bolɛ 31:10

Kɛ nnɛn'm bé wun fulɛ blɛ'n juli'n, laliɛ nun n ´to mín nyin-ɔn, bua yasua nin boli kpakpuɛ nga be fu bla mun'n, wie'm be wunnɛn'n klɛklɛ nun, wie'm be wunnɛn'n tata nun.

Daniɛl 2:33

i ja'm be ti blalɛ, i ja ngbabua'm be bue ti blalɛ yɛ be bue ti wufa.

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 6:2

N ´nian-an, nnɛn kpanngɔ ufue kun yɛ. Ta o sran ng'ɔ ti su'n i sa nun, be mɛnnin i like kun kɛ sika kle sa, yɛ ɔ ɔli yasua su kɛ ɔ nin i kpɔfuɛ mun be ko kun nan ɔ ´kwla be .

Sa nglô yile 6:8

N ´nian-an, nnɛn kpanngɔ nzuɛn-nzuɛn kun yɛ. Sran ng'ɔ ti su'n, be flɛ i Wie, yɛ lika nga be flɛ i blɔlɔ'n ɔ su i su. Be bubuli asiɛ'n sufuɛ'm be nun fa nnan, be mannin be atin kɛ be kun be nun fa kun. Be fa tokofi, nin awe, nin tukpacɛ ɔ nin asiɛ'n su nnɛn nga be yo wlɛ'n yɛ be fa kun be-ɔ .