Zakari 6:1 - NYANMIƐN NDƐ'N 1998

¹ Kɛ n ´to mín nyin ekun n ´nian-an, kakaklolo nnan be fin oka nnyɔn be afiɛn b'a fite. Oka sɔ'm be ti aaba oka.

Zakari 6:1 ပူးပေါင်းရင်းမြစ်များ

2 Famiɛn Mun 6:17

Yɛ Elize srɛli Nyanmiɛn-ɔn. I waan: «Anannganman, tike i nyinma'n man ɔ wun ase.» Yɛ Anannganman tikeli i nyinma nin-ɔn. Ɔ ´nian-an, nnɛn kpanngɔ bɔ be ti sin ngunmin, ɔ nin kakaklolo bɔ be ti sin ngunmin'n be yi oka mun, be sin yia Elize.

Zɔb I Nyrɛnnɛn Wunlɛ 34:29

?I kusu, sɛ Nyanmiɛn waan ɔ yo-man like fi'n, wan yɛ ɔ kwla bu i fɔ-ɔ? ?Sɛ i waan ɔ su fia'n, wan yɛ ɔ kwla wun i-ɔ? Ɔ nian nvle wunmuan nin klɔ sran'm be su.

Jue Mun 33:11

Sanngɛ sa nga i bɔbɔ yɛ ɔ jajali'n, kɛ ɔ o lɛ'n yɛ ɔ wo-ɔ. Yɛ like ng'ɔ bu i akunndan b'ɔ yo'n, ɔ ka lɛ tititi.

Jue Mun 36:6

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Ezai 43:13

N ti sɔ laa lele yɛ ɔ'a ju yɛ. Sran fi kwla de-mɛn i sɔ yolɛ'n mín sa nun. Sɛ n yo like kun'n, sran fi kwlɛ-mɛn i kaci.»

Ezai 66:15

Afin amun `nian, Anannganman yɛ ɔ o sin kun nun ɔ su ba yɛ, i alɛ kakaklolo'm be yo kɛ aunngban dan kun b'ɔ su fita'n sa, ɔ wa yi i ya'n i nglo kekle kpa, yɛ ɔ ´fa sin taaman fa yi sa kekle nga i waan ɔ ´fa yo sran mun'n i nglo.

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Daniɛl 4:15

Laliɛ nga m bɔbɔ min Nɛbikadnɛzar n cɛnnin'n yɛ ɔ o lɛ-ɔ. I sɔ'n ti, wɔ, Bɛltsazar, tutu i bo kle min, afin min famiɛn diwlɛ'n nun sa sifuɛ'm be nun ba kun sa ɔ'a kwla tu-mɛn i bo, sanngɛ ɔ liɛ'n, a kwla tu i bo yɛlɛ kɛ Nyanmiɛn i wawɛ'n wo ɔ nun.› »

Daniɛl 8:22

Kɛ i wɛ sɔ'n buli'n, wɛ nnan uflɛ be fifili i osu'n nun, wɛ nnan sɔ'm be ti famiɛn diwlɛ nnan'm be nzɔliɛ, be wa sin klikli liɛ'n i osu'n nun. Sanngɛ be tinmin'n su ju-man kɛ i liɛ'n sa.

Zakari 5:1

Kɛ n ´to mín nyin sa ekun n ´nian-an, fluwa kun yɛ b'a nnyɔn-nnyɔn yɛ aunngban'n ´fa sin nglo lɔ kɔ yɛ.

Zakari 6:5

Kpɛkuun anz'n tɛli min su kɛ: «Aunngban bue nnan nga be fɛ i wa be fɛ i wa be ko jrannin mɛn wunmuan'n i Min'n nyrun'n be su kɔ siɛn'n .»

Sa nga bé yôli'n 4:28

kɛ be ´yo kwlaa nga ɔ bɔbɔ Nyanmiɛn a dun mmua buli i akunndan kɛ be `yo'n.

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 3:11

Kɛ ɔ yoli sɔ'n, sa ng'ɔ dun mmua buli i akunndan lalafuɛ nun kɛ ɔ man e Min Krist-Jésus yo'n, ɔ kpɛnnin su.

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.