Zakari 5:4 - NYANMIƐN NDƐ'N 1998

⁴ Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Zakari 5:4 ပူးပေါင်းရင်းမြစ်များ

Zɔb I Nyrɛnnɛn Wunlɛ 18:15

Be tran i sua'n nun-ɔn ɔ yo ye, sran nun-man nun kun. Be ´fa sufru be ´guɛ i tranwlɛ'n nun.

Zɔb I Nyrɛnnɛn Wunlɛ 20:26

Sa kekle wafa'n kwlaa be ´tɔ i sa nun ninnge'm be su. Sin wie bɔ nán sran yɛ ɔ sɔli i nuan'n, ɔ ´kun i bɔbɔ'n, yɛ ninnge ng'ɔ kali i sua'n nun'n kwlakwla, sin sɔ'n, ɔ ´yra be.

Zɔb I Nyrɛnnɛn Wunlɛ 8:15

Kɛ be waan be ´kisa bé sua'n su'n, kpɛkuun ɔ su keje. Kɛ be waan be ´tra nun'n, kpɛkuun ɔ'a bubu ɔ'a gua.

Zɔb I Nyrɛnnɛn Wunlɛ 8:22

Nyannzuɛn dan kpa ɔ ´kun be bɔ be kpɔ wɔ'n. Kɛ ɔ ´yo sɔ'n, wuun sa tɛ yofuɛ'm b'a jaso lɛ.

Nyanndra Mun 3:33

Sa wiwi'n cɛ yɛ Anannganman to yi klunwifuɛ'n i awlo nun-ɔn. Klun-ufuefuɛ'm be kusu, muae klanman yɛ ɔ bo man be-ɔ.

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Zeremi 2:26

Cɛn kun Izraɛlfuɛ'm be wa wun nyannzuɛn kɛ awiefuɛ bɔ b'a trɛ i'n sa, i sran ngbɛn mun o, i famiɛn mun o, i famiɛn i awlo lɔ sran dandan mun o, i Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, be wa wun nyannzuɛn.

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Zakari 5:3

Kpɛkuun i waan: «Sannzan ng'ɔ wa tɔ mɛn wunmuan'n su'n i wun fluwa-a. Ɔ ti klɛwa kɛ be ´kan awiefuɛ'm be kwlakwla be bo mɛn'n nun. Be kwlaa nga be ta nda ngbɛn-ngbɛn'n, be ´fuan be .

Zakari 8:17

Nán an bu be wiengu wun akunndan tɛ. Nán an ta nda ngbɛn-ngbɛn. Min ciliɛ mun yɛ be o lɛ.» Anannganman b'ɔ sie mɛn wunmuan'n yɛ ɔ kan sɔ-ɔ.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 28:16

Sran ng'ɔ tran klɔ'n, sa yalɛ ´nyɛn i, sran ng'ɔ tran blo'n, sa yalɛ ´nyɛn i kusu.

Mmla'n 7:26

Tete like b'ɔ nunnunlɛ yɛ ɔ nin i fata'n, nán amun fa sie amun sua'm be nun, sɛ ɔ yo sɔ-ɔ, be ´nunnun amun wie kɛ i sa. Amun `bu ninnge sɔ mun kɛ be ti fiɛn, nán amun bu be like mlɔnmlɔn, be nin nunnunlɛ yɛ ɔ fata-a.

Zozie 9:20

Amun li, man e yaci be lɛ, sɛ ɔ'a yo-man sɔ'n, Anannganman ´fa ya e wun.