Zakari 5:3 - NYANMIƐN NDƐ'N 1998

³ Kpɛkuun i waan: «Sannzan ng'ɔ wa tɔ mɛn wunmuan'n su'n i wun fluwa-a. Ɔ ti klɛwa kɛ be ´kan awiefuɛ'm be kwlakwla be bo mɛn'n nun. Be kwlaa nga be ta nda ngbɛn-ngbɛn'n, be ´fuan be .

Zakari 5:3 ပူးပေါင်းရင်းမြစ်များ

Ezipt Lɔ Tulɛ'n 20:15

Nán wua .

Nyanndra Mun 29:24

Sran ng'ɔ nin awiefuɛ'n be cɛ i awie ninnge nun'n, i sɔ sran liɛ'n ɔ kpɔ i bɔbɔ wun. Ɔ si kɛ be su wua amuɛn, sanngɛ ɔ kan-man ndɛ fi.

Nyanndra Mun 3:33

Sa wiwi'n cɛ yɛ Anannganman to yi klunwifuɛ'n i awlo nun-ɔn. Klun-ufuefuɛ'm be kusu, muae klanman yɛ ɔ bo man be-ɔ.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 48:1

Zakɔb osu'n nunfuɛ mun, amun bɔ Izraɛl dunman'n wo amun su'n, amun bɔ amun ti Zida i osu'n nunfuɛ mun'n, amun bɔ amun fa Anannganman i dunman'n ta nda'n, amun bɔ amun bo Izraɛl Nyanmiɛn'n i dunman'n, bɔ amun di-man nanwlɛ, yɛ amun yo-man sa i nuan su'n, amun `sie amún su be `tie.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Ezekiɛl 2:9

N ´nian-an, sran sa kun yɛ ɔ o min nyrun yɛ, fluwa bɔ be nyɔnnyɔnnin'n wo sran sa sɔ'n nun.

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Saun Yolɛ 19:11

Nán amun wua, nán amun kpɛ gblɛ, nán amun di amun wiengu Izraɛlfuɛ kun lufle.

Saun Yolɛ 19:12

Sɛ amun ´kan ndɛ-ɔ, nán an bo min dunman liɛ'n sa ngbɛn kɛ wie-ɔ: n kan Nyanmiɛn, bɔ amun fa i sɔ'n kpɛ gblɛ-ɔ. I sɔ'n ti min dunman'n i finfin yolɛ. Min yɛ n ti Anannganman amun Nyanmiɛn nin-ɔn.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Zakari 8:17

Nán an bu be wiengu wun akunndan tɛ. Nán an ta nda ngbɛn-ngbɛn. Min ciliɛ mun yɛ be o lɛ.» Anannganman b'ɔ sie mɛn wunmuan'n yɛ ɔ kan sɔ-ɔ.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

JÉSUS-CHRIST I DYASIN FE'N BO LUC KLELI'N 21:35

Afin cɛn sɔ'n ɔ wa fu sran bɔ be o mɛn wunmuan'n nun'n be kwlaa be nun kɛ aya sa.

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.

1 Timote 1:9

Afin e si kɛ nán be nga be ti sran kpa'n be ti yɛ be sieli mmla nin-ɔn. Sanngɛ be sie mannin be nga be ti-man kpa'n, nin nyin keklefuɛ mun, nin be bɔ be sro-man Nyanmiɛn'n, nin sa tɛ yofuɛ mun, nin be bɔ bé nyin yi-man Nyanmiɛn bɔ be bu i ninnge'm be finfin'n, nin be bɔ be kun be si nin be nin'n, nin sran kunfuɛ mun,

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Zozie 9:20

Amun li, man e yaci be lɛ, sɛ ɔ'a yo-man sɔ'n, Anannganman ´fa ya e wun.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.